ITINALAGA ni Pangulong Rodrigo Duterte ang bar topnotcher na si Budget Undersecretary Janet Abuel bilang acting secretary ng Department of Budget and Management (DBM).

Si Abuel ay pansamantalang uupo sa pwesto na binakante ni Secretary Benjamin Diokno matapos itong italagang bagong governor ng Bangko Sentral ng Pilipinas (BSP) kapalit ng namayapang si BSP Governor Nestor Espenilla.

Sinabi ni Diokno na si Abuel ay nagtapos ng Master of Public Administration sa Lee Kwan Yu University sa Singapore at Master of Laws sa University of Sydney sa Australia.