ANGELES CITY — Umapela sa Department of Health (DOH) ang 100 indignant private practicing midwives sa Gitnang Luzon at kumakatawan sa tatlong grupo, na i-review ang Circular No. 2021-005 na pumipigil sa kanila na mag-administer ng health care sa mga buntis, kasabay ng pag-aalala na tumaas ang maternal and neonatal deaths sa bansa.
Mula sa temang “Empower Birthing Clinics To Improve Rural Healthcare Access, Referrals & Disease Monitoring”, nagsanib ng pwersa ang mga grupo ng Integrated Midwives Association of the Philippines (IMAP), Philippine Society of Private Midwife Clinic Owners (PSPMCO) at Private Practicing Midwives Association (PPMA) sa media forum noong Agosto 23, 2023 sa Kandi Palace, Barangay Malabanias, Angeles City.
Ang nasabing mga grupo ay may-ari ng mahigit sa 300 birthing stations sa Central Luzon at mahigit isang libong birthing facilities sa buong bansa. Inilahad ng mga ito sa Pampanga-based media practitioners sa pangunguna ni Central Luzon Media Association (CLMA)- Pampanga Chapter President Arnel San Pedro, ang kanilang mga sentimyento kaugnay ng naturang department circular; “Adherence to the Definition of Low Risk and High Risk Pregnancy in the Implementation of Administrative Order No. 2012-0012 – Rules and Regulations Governing the New Classification of Hospitals and other Health Facilities in the Philippines” na inaprubahan noon ni former DOH Secretary Francisco Duque III.
Nagpahayag din ng pagkadismaya ang grupo hinggil sa kabiguan ng Philippine Health Corporation (PhilHealth) na maayos ang bills ng mga inang nanganganak.
Nabatid na ang IMAP ay mayroong 65,000 to 75,000 licensed midwives na nagbibigay ng serbisyo sa 547 birthing centers sa buong bansa.
Pahayag ni Patricia M.Gomez, IMAP National Executive Director, ang mga midwife ang siyang nagpapatupad ng halos lahat ng mga programa ng DOH partikular na sa public sector.
(ELOISA SILVERIO)
![](https://saksingayon.com/wp-content/plugins/dp-post-views/images/eyes.png)