NAKAPAGTALA ang Philippine Institute of Volcanology and Seismology (Phivolcs) ng 14 na volcanic earthquake sa Bulkang Mayon sa gitna ng patuloy na aktibidad nito noong Huwebes, Oktubre 15, 2026.
Ayon sa Phivolcs, nananatili sa Alert Level 2 ang bulkan, na nagpapahiwatig ng katamtamang antas ng pagkabalisa at posibilidad ng mapanganib na aktibidad.
Namataan din ang pagbuga ng usok mula sa bunganga ng bulkan na umabot sa taas na 600 metro.
Iniulat din ng ahensya ang pamamaga ng bulkan, na sinundan ng panandaliang pag-impis sa hilagang-silangang bahagi nito.
Mahigpit na ipinagbabawal ng Phivolcs ang pagpasok sa loob ng anim na kilometrong Permanent Danger Zone (PDZ) sa paligid ng bulkan, gayundin ang pagpapalipad ng anumang sasakyang panghimpapawid sa ibabaw nito dahil sa posibleng panganib ng pagputok.
Nagbabala rin ang ahensya sa posibilidad ng biglaang pagputok, pagguho ng mga bato mula sa tuktok ng bulkan at pag-agos ng lahar kapag nagkaroon ng malakas na pag-ulan.
Pinayuhan ang publiko na mahigpit na sundin ang mga babala at abiso ng Phivolcs upang matiyak ang kaligtasan ng mga residente at iba pang nasa paligid ng bulkan.
(PAOLO SANTOS)
70 
