TATLONG Filipino civil engineers at isang South Korean na kasamahan ng mga ito na dinukot noong Hulyo ng nakaraang taon ang pinalaya na at dinala sa United Arab Emirates, ayon sa UAE foreign ministry nitong Biyernes.

Sinabi sa report na ang mga engineer na dinukot ng hindi kilalang armadong grupo ay pinalaya sa tulong ng Abu Dhabi at military strongman Khalifa Haftar’s Libyan National Army.

Nakatakda na umanong pauwiin ang mga pinalaya sa kani-kanilang mga bansa ngunit hindi nagbigay ng petsa o iba pang detalye.

Sinabi na ang apat na Asyano ay nagtatrabaho sa isang desalination plant sa western Libya at dinukot sa isang water project sa katimugan ng naturang bansa.