TANGING ang Office of the President ang maaaring magbigay ng karagdagang pahayag kaugnay ng isyu kay Senador Ronald dela Rosa, ayon sa Department of Justice.
“Only the Office of the President can make further pronouncements on the matter,” ani DOJ Secretary Fredderick Vida nitong Miyerkoles.
Ginawa ni Secretary Vida ang pahayag matapos ibasura ng Supreme Court ang hiling ni dela Rosa para sa temporary restraining order laban sa pagpapatupad ng warrant of arrest na inilabas ng International Criminal Court laban sa senador.
Nauna nang sinabi ng Malacañang Palace na “valid” ang warrant of arrest at ipauubaya na sa DOJ ang lahat ng operational matters kaugnay ng usapin.
“Ang lahat ng maaaring interpretasyon at evaluation sa nasabing resolution ng Supreme Court ay ibabato natin kay Justice Secretary Fredderick Vida,” ayon kay Presidential Communications Office Undersecretary at Palace Press Officer Claire Castro.
Nang tanungin ukol sa posibleng pag-aresto kay dela Rosa, iginiit ni DOJ Spokesperson Polo Martinez na ang Office of the President lamang ang maaaring magbigay-linaw sa mga detalye tungkol dito.
(JULIET PACOT)
43 
