PANIBAGONG balasahan ang ipinatupad ng Philippine National Police (PNP) sa hanay nito epektibo ngayong Biyernes, Mayo 22.
Itinalaga bilang acting regional director ng Police Regional Office-6 (PRO-6) o Western Visayas si PBGen. Randulf Tuaño.
Papalitan naman siya bilang PNP Public Information Office chief ni PCol. Allen Rae Co.
Mula naman sa Directorate for Intelligence, itinalaga si PMGen. Wilson Lopez sa Office of the Deputy Chief for Operations.
Itinalaga ring acting director ng Directorate for Intelligence si PBGen. Arnold Ardiente na dating nakatalaga sa PRO-12.
Si Brig. Gen. Edwin Balles naman ay itinalagang acting director ng PNP Anti-Kidnapping Group.
Samantala, si Brig. Gen. Josefino Ligan mula PRO-6 ay itinalaga bilang deputy ng Directorate for Operations.
Itinalaga rin si Brig. Gen. Alan Manibog bilang acting regional director ng PRO-12 mula sa Directorate for Operations.
Si PCol. Reynaldo Pasiwen naman mula Civil Security Group ay itinalagang deputy director ng Directorate for Intelligence.
Ayon sa PNP, bunsod ng pagreretiro ng ilang senior officers kaya isinagawa ang panibagong reshuffle sa hanay ng pambansang pulisya.
(TOTO NABAJA)
117 
