IPINAGMALAKI ng Department of the Interior and Local Government (DILG) at Philippine National Police (PNP) ang pagbaba ng focus crime incidents sa bansa bunsod umano ng ipinatutupad na Safer Cities Initiative.
Batay sa comparative data bago at matapos ang implementasyon ng programa noong Abril 6, bumaba umano ng 719 kaso o katumbas ng 15.99 porsyento ang kabuuang focus crimes.
Inihambing ang datos mula Pebrero 22 hanggang Abril 5 at mula Abril 6 hanggang Mayo 18.
Ayon kay PNP Chief PGen. Melencio Nartatez Jr., bunga umano ito ng pinaigting na police visibility, mas mabilis na police response, at pakikipagtulungan ng iba’t ibang sektor.
Kabilang sa mga focus crimes na nakapagtala umano ng pagbaba ang rape, robbery, theft, physical injury, homicide, murder, at carnapping ng motorsiklo at motor vehicle.
(JESSE RUIZ)
93 
