MARAMING positibong reaksyon ang natanggap ng aktor na si John Lloyd Cruz dahil sa naglabasang mga bagong larawan sa social media.

Kapansin-pansin kasing higit na mas maaliwalas na ang mukha ng aktor kumpara sa mga larawan niya na pinoste nitong mga nakaraang buwan kung saan mukha siyang ermitanyo dahil laging unshaven ang balbas at bigote niya.

Makikita rin sa mga larawan na mukhang masaya ang aktor. Ayon sa nag-upload ng photos, ang anak nina John Lloyd at Ellen Adarna na si Elias Modesto ang batang karga ng aktor, at ang babae sa larawan ay ang PA (personal assistant) niya.