HINDI inalintana ng mga mamimili ang masungit na panahon sa pagdagsa sa Bocaue, Bulacan para bumili ng paputok sa pagsalubong ng Bagong Taon.

Umaga pa lang ay dagsa na ang mga mamimili sa Bocaue kung saan ang presyo ng mga imported na fireworks ay dumoble ng hanggang P20,000 para sa pinakamahal na klase sa merkado. Kabilang sa mabenta ang trompilyo, human candle, lusis at sawa.

Marami ang naniniwala na ang pagpapasabog o pag-iingay sa pagsapit ng Bagong Taon ay nakapagpapaalis ng malas sa buhay o masayang pagsalubong sa panibagong buhay. “Taon-taon po ‘yan para mawala po ‘yung malas,” sabi ng isang mamimil. Ang ibang dumayo ay bumili pa ng bulto-bulto para maniguro na hindi sila mauubusan. Samantala, tiniyak naman ng mga nagbebenta ng paputok na ligtas ang kanilang produkto at sumunod sa lahat ng itinatakda ng batas.