AGAD inaprubahan ng makapangyarihang Commission on Appointments (CA) ang interim appointments ni Davao City Mayor Sara Z. Duterte bilang army reserved kabilang ang 21 pang opisyal

ng Armed Forces of the Philippines (AFP) at 12 career officers ng Department of Foreign Affairs (DFA).

Sa ginanap na plenaryo ng CA sa pangunguna ni CA Chairman, Senate President Vicente Sotto III, bukod kay Duterte, inaprubahan din ang interim appointment ni Davao City Rep. Isidro T.

Ungab at Edgar Crisanto R. Violan sa Philippine Army reserved.

Tinabla naman ng CA ang interim appointment ni Mohamad Noordin Pendosina Noor Lomondol bilang embahador sa State of Kuwait dahil kasalukuyan pa siyang nagsisilbi bilang career officer ng DFA.

Kailangang magretiro muna siya bago maitalaga bilang political appointee, ayon kay Senador Panfilo Lacson, chairman ng CA committee on foreign affairs. ESTONG REYES