NAGSANIB-PWERSA ang United States medical specialist at Department of Health para labanan ang pagkalat ng coronavirus disease o COVID-19 sa Pilipinas.
Sa inilabas na impormasyon kahapon ng U.S. Embassy sa Pilipinas, naglaan ang U.S.
government ng mahigit Php139 million ($2.7 million) para ayudahan ang Department of Health (DOH) sa paglaban sa COVID-19.
Nabatid na ang U.S. government, sa pamamagitan ng U.S. Agency for International Development (USAID), ay makikipagtulungan sa kanilang Philippine counterparts para magtatag at magpatupad ng internationally-recognized infectious disease threat prevention at response strategies, at enhanced infection control.
Layunin ng tulong na mapalakas ang specimen transport systems at laboratory capacity sa bansa para maging mabilis at wasto ang pagtukoy sa COVID-19 cases. JESSE KABEL
167 
