KINUWESTYON ni Senador Risa Hontiveros ang limang milyong overpriced na China-made personal protective equipment (PPE) sets na binili ng Department of Budget and Management-Procurement Service (PS-DBM) mula Abril hanggang Mayo.

“Out of the 11 contracts of the PPE sets, seven were with China-based companies. Bakit inuna ang mga dayuhang kontraktor bago ang mga Pilipinong kumpanya? To make matters worse, in these 11 procurements we analyzed, it appears that the PPE prices were overpriced by at least P200 per unit or P1 billion in total,” saad ng senador.

Ipinaliwanag ni Hontiveros na sa taya ng Philippine General Hospital nasa P1,200 hanggang P1,500 ang PPE subalit binili ito ng DBM mula P1,700 hanggang P2,000.
“Isang bilyon ang nawala sa kaban ng bayan. This is one billion pesos that could have gone to more

PPEs, especially during a time when an increasing number of our health workers were dying because of inadequate protection. Crucially, the one billion pesos could have also been allocated to increase the salaries of our health workers,” diin ng senador.

Binigyang prayoridad anya sa procurement ang China-based companies tulad ng Xuzhou Const. Machinery Group, Wen Hua Dev’t Industrial Co., Ltd., Chushen Company Ltd., Pacific Field (Hong Kong) Ltd., at Shanghai Puheng Medical Equipment Co. Ltd.

“Sa panahon na naghihingalo ang mga negosyanteng Pilipino, ang laking insulto naman na ang mga foreign companies pa ang nabigyan ng trabaho kesa sa kanila. Alam din natin na mas matindi ang quality assurance and control ng mga Philippine-made products, kaya nakapagtataka kung bakit foreign-made ang inuna,” dagdag nito.

Sa kaugnay na balita, inaalam din ng senadora ang umano’y mga VIP at maimpluwensiyang negosyante sa likod ng raket sa pagbili ng PPEs.

Kinabibilangan umano ito ng ilang mambabatas, kasama ang isang political financer na partylist representative at mga blacklisted na supplier ang nasa likod ng maanomalyang pagbili ng gamit ng
health frontliners. (SAKSI NGAYON NEWS TEAM)