INIHAYAG ng Bureau of Immigration (BI) na simula sa Hunyo 1 ay hindi na papayagang makapasok ang foreign nationals na magpapakita ng entry exemption documents (EEDs) na inisyu ng Department of Foreign Affairs (DFA) bago sumapit ang Pebrero 8 ngayong taon.
Sinabi ni Morente, ang BI ay magpapatupad ng nasabing travel guidelines alinsunod sa isang komunikasyon na natanggap mula sa DFA.
“We were informed by the DFA that entry exemption documents now have a validity of 90 days from the date of issuance,” ani Morente. “As an effect, we were informed that all issued before Feb 8 are deemed expired by June 1,” dagdag pa niya.
Nilinaw naman ng BI na ang may mga hawak ng nasabing EEDs ay maaari pa ring makapasok sa bansa hanggang sa Mayo 31.
Samantala, inihayag ni Atty. Carlos Capulong, BI Port Operations Division chief, ang entry exemptions na inisyu ng National Task Force Against COVID-19 (NTF) sa panahon ng travel ban mula Marso 22 hanggang Abril 30, ay maaari pang magamit hanggang Mayo 31.
Idinagdag niyang ayon sa resolusyon ang Inter-Agency Task Force for the Management of Emerging Infectious Diseases (IATF), na ipinasa kamakailan, ang entry exemptions na inisyu ng NTF ay kikilalanin bilang valid hanggang Mayo 31.
Muling inulit ni Capulong na ang 9(a) visa holders gayundin ang mayroong Special Resident Retirees Visas, ay kailangang kumuha ng entry exemptions mula sa DFA para payagan silang makapasok sa Pilipinas. (JOEL O. AMONGO)
181 
