CAVITE – Ipinag-utos ng lokal na pamahalaang bayan ng Tanza sa lalawigang ito na hindi papayagang mamalengke ang sino mang hindi bakunado.

Sa inilabas na Memorandum Order No. 01 series of 2022 ni Tanza Municipal Mayor Yuri Pacumio, pagbabawalan ang sino man na pumasok sa Tanza Public Market na hindi bakunado at kinakailangan dalhin ang vaccination card ng mga bakunado.

“The market administration ordered to strictly implement ‘no vaccination card, no entry’ policy,” nakasaad sa memorandum order. Ito ay upang mapigilan umano ang hawaan ng virus.

Sarado ang nasabing public market tuwing Lunes para sa disinfection. (SIGFRED ADSUARA)