WALA nang balakid sa pag-canvass sa presidential at vice presidential votes matapos ipahayag ng kampo ni Vice President Leni Robredo na tanggap na nila ang resulta ng halalan.
Agad naman itong ni-recognize ng kampo ni presumptive President Ferdinand “Bongbong” Marcos Jr., sa pamamagitan ni incoming executive secretary Atty. Vic Rodriguez dahil sa pagkilala ng kampo ni Robredo sa integridad ng halalan.
Sa kanyang manifestation, inulit ng abogado ni Robredo na si Atty. Romulo Macalintal na una nang umapela ang bise presidente sa kanyang mga tagasuporta na tanggapin ang majority decision sa katatapos na halalan.
“She said we need to accept the majority’s decision and so your Honors, consistent with just pronouncements by Vice President Robredo and as not to delay this proceedings of this board, we would like to make on record our continuing manifestation that we interpost no objection to the inclusion in the canvass of all the certificate of canvass for president from the various provincial and city board of canvassers found on these honorable board to be authentic and duly executed in accordance with section 20 of Republic Act 7166,” dagdag pa nito.
Tinugon naman ito ni Atty. Rodriguez: “We join the manifestation of my distinguished colleague and one of the leading election law practitioners Atty. Romulo “Romy Mac ” Makalintal and likewise we would like to recognize the patriotism exhibited by Vice President Leni Robredo for expressly recognizing the integrity and the result of recently concluded general elections.“
Maging ang mga abogadong ipinadala nina presidential candidate Isko Moreno na si Atty. Rizalyn Lumbera ay nagpahayag na hindi rin nila tututulan na isama ang lahat ng certificate of canvass at kinikilala ng mga ito ang integridad ng katatapos ng halalan.
Nagpasalamat naman ang isa pang abogado ni Marcos na si Atty. Felipe Agargo sa pagkilala ng kampo ni Moreno sa integridad ng katatapos ng halalan.
“Indeed the team of UniTeam begin prevailing in the country. The healing has begun. Let us unite as a nation for and by the Filipino people. Maraming salamat,” ayon naman sa co-chair ng NBOC na si House majority leader Martin Romualdez. (BERNARD TAGUINOD)
169 
