Author: admin 2

MARAMI ang nadismaya matapos kanselahin ni Caloocan Mayor Oca Malapitan ang permit ng campaign motorcade ni Presidential Candidate Isko Moreno ngayong unang araw ng Marso. Maagang naisaayos ng kampo nila Moreno ang nasabing permit sa munisipyo ng Caloocan, sa pangunguna ni Aksyon Demokratiko campaign strategist Lito Banayo, ilang araw bago pa ang nasabing motorcade. Kung kailan malapit at kinabukasan na ang motorcade, biglaan na lamang binawi ni Malapitan ang permit para dito sa dahilang bubugso raw ang trapik sa buong Caloocan dahil sumailalim na ang Metro Manila sa COVID-19 Alert…

BINALASA ng Philippine National Police (PNP) ang apat na heneral matapos ma-promote bilang chief directorial staff si NCRPO Regional Director MGen. Vicente Danao Jr. Humalili kay Danao si P/MGen. Felipe Rivera Natividad bilang bagong NCRPO Regional Director epektibo Marso 01, 2022. Habang itinalaga naman bilang Deputy PNP Chief for Administration si P/Lt. Gen. Israel Ephram Taverner Dickson, hawak naman ni P/Lt. Gen. Rhodel Orden Sermonia ang ikatlong puwesto bilang Deputy PNP Chief for Operation at Acting Chief Directorial Staff si MGen. Danao. Ang balasahan ay bahagi ng promosyon ng 4…

WALO sa 181 Pilipino mula sa Ukraine ang hindi pa desidido sa pag-repatriate sa Pilipinas at nananatili pa rin sa Philippine Command Center sa Poland. Ayon kay Department of Labor and Employment (DOLE) Secretary Silvestre Bello III, sa 181, 106 ang overseas Filipino workers (OFWs), 30 ang may asawang Ukrainian, at 50 ang dependents. Noong Pebrero 27, nasa 38 Filipino ang inilikas mula sa Kyiv patungo sa command center, at siyam ang lumikas sa Austria. Sa walo na nananatili sa command center, umaasa si Bello na papayag sila na makauwi…

KINATIGAN ng Kamara ang pasya ng administrasyong Duterte na suportahan ang inilabas na resolusyon ng United Nations General Assembly na kumondena sa pag-atake ng bansang Russia sa Ukraine. Katwiran ni Muntinlupa Rep. Ruffy Biazon na tumatayong chairman ng House Committee on National Defense and Security, angkop lang na makiisa ang Pilipinas sa isahang pagkilos ng mga kasaping bansa ng UN, lalo pa’t nagbabadya ang posibilidad ng pananakop ng bansang Tsina sa pagmamatigas nito sa teritoryo sa karagatang sakop at pasok sa Exclusive Economic Zone ng Pilipinas. Giit ni Biazon, kakailanganin…