NAGBABALA ang National Grid Corporation of the Philippines (NGCP) ng manipis na power supply sa Luzon grid sa panahon ng nalalapit na dry season dahil sa inaasahang mataas na demand.

Sinabi ng NGCP na inaasahan na ng Department of Energy (DOE) ang “total peak demand” na 12,387 MegaWatts (MW) para sa Luzon sa huling linggo ng Mayo ngayong taon.

“This is an increase of  747MW from the actual 2021 peak load of 11,640MW recorded on May 28 last year,” ayon sa kalatas ng NGCP.

Samantala, sa Visayas, ang peak demand ay naramdaman noong Disyembre dahil sa holiday activities, at sa Mindanao, ang peak demand ay nangyayari tuwing sasapit ang buwan ng Agosto.

Para sa Visayas grid, sinabi ng NGCP na ang projected peak demand ay 2,528MW, mas mataas sa 2,252MW actual peak demand na naitala noong Disyembre 31, 2021.

At para naman sa Mindanao, ang peak demand forecast ay 2,223MW, mas mataas sa actual 2,144MW peak demand na naitala noong Agosto 4, 2021.

“Thin operating margins (power in excess of demand, which is used to manage and balance the grid) is forecasted in the Luzon grid from April to June due to increase in demand during the summer, which includes the critical election period,” ang nakasaad sa kalatas ng NGCP.

Ayon pa sa nasabing ahensya, nakikipag-ugnayan na sila sa iba pang power industry stakeholders para sa taunang grid operating and maintenance program.

Nakasaad pa sa kalatas na “NGCP coordinates the preparation and submission to the DOE of an annual grid operating and maintenance program (GOMP), which is the consolidated preventive maintenance schedules of power plants, considering the needed supply to meet the projected demand.” (CHRISTIAN DALE)