CEBU CITY – Patay ang mag-live-in partner makaraang pagbabarilin habang natutulog sa kanilang bahay sa Sitio Naba, Barangay Mambaling sa lungsod na ito, noong Linggo ng madaling araw.

Kinilala ng Cebu City police ang mga biktimang sina Rolando Bangkal, 38, at Relina Tinapay.

Batay sa report, natagpuan ang mga biktimang parehong wala nang buhay sa kama dahil sa mga tama ng bala sa katawan.

Ayon sa inisyal na imbestigasyon ng mga awtoridad, napag-alaman na dalawang lalaki na parehong nakasuot ng full-face helmet at kapwa naka-jacket ang pumasok sa bahay at pinagbabaril ang mga biktima.

Samantala, nabatid mula sa mga residente na ang mga biktima umano ay may kaugnayan sa illegal drug trade sa lugar.

(NILOU DEL CARMEN)