CAVITE – Tinatayang mahigit sa P100,000 halaga ng umano’y shabu ang nasamsam mula sa isang hinihinalang tulak ng ilegal na droga sa ikinasang buy-bust operation sa Bacoor City noong Lunes ng gabi.

Kinilala ang arestado na si Aaron Celestino, alyas “AA”, 42, ng Brgy. Panapaan 3, Bacoor City.

Ayon sa ulat ni Pat. Jerome Asid ng Bacoor City Police Station, dakong alas-6:45 noong Lunes ng gabi nang magsagawa ng buy-bust operation ang mga operatiba ng Drug Enforcement Unit (DEU) ng Bacoor CPS sa nabanggit na lugar na nagresulta sa pagkakadakip sa suspek.

Nakumpiska sa suspek ang 15 gramo ng hinihinalang shabu na may street value na P102,000, at buy-bust money. (SIGFRED ADSUARA)