LAGPAS 200,000 na ang naitalang kaso ng COVID-19 sa Quezon City mula nang magsimula ang pandemya noong Marso 2020 sa ilalim ng administrasyon ni Mayor Joy Belmonte.
“We are alarmed over the fresh surge of new infections in the city, and the local government’s apparent weak and slow response to the public health emergency,” ani Congressman Mike Defensor na tumatakbong mayor sa lungsod.
Base umano sa COVID-19 tracker ng Department of Health (DOH), umabot na sa 202,614 ang naitalang kaso sa lungsod Quezon matapos madagdagan ng 22,214 sa loob lang ng isang linggo.
Dahil dito, ang Quezon City aniya ang tanging lugar sa bansa ang lagpas na sa 200,000 ang naitalang kaso ng COVID-19 mula nang magsimula ang pandemya, bagay na ikinadismaya ni Defensor.
“There’s no question the Quezon City government, which has a lot of financial resources at its disposal, can do more to suppress new infections,” ayon sa mambabatas.
“It could, for instance, improve public access free and fast real time RT-PCR testing, so that those who test positive can be identified and isolated right away,” dagdag pa nito subalit hindi nagawa kahit maraming pondo ang lungsod.
Maaari rin aniyang gastusan ng City government ang training ng karagdagang contact tracers na isang win-win solution para magkaroon ng pansamantalang trabaho ang mga nawalan ng hanapbuhay dahil sa pandemya.
Gayunpaman, hindi umano ito naisip ng gobyerno ni Belmonte kaya hindi nakapagtataka na ang lungsod Quezon ang unang lugar sa bansa na lagpas 200,000 na ang naitalang kaso.
Ibinasura ng mambabatas ang dahilan ng city government na may malaking populasyon ang lungsod na umabot na sa 2.94 million ang populasyon.
“If a large population is the only cause for the very high COVID-19 cases, then the provinces of Cavite and Laguna, which have 3.68 million and 3.04 million residents, respectively, should have more cases than Quezon City,” ani Defensor.
“However, as of Jan. 11, Cavite’s cumulative caseload stood at only 176,330, while Laguna had only 132,095, both of which are considerably less than Quezon City’s,” ayon pa sa solon. (BERNARD TAGUINOD)
205 
