HINIMOK ng kampo ni dating House Speaker Martin Romualdez ang mga personalidad na iniuugnay sa Peanut Gallery Media Network (PGMN) na sagutin na lamang sa korte ang mga reklamong kriminal laban sa kanila.
Ayon kay Atty. Elaine Atienza, tagapagsalita ni Romualdez, sadyang umiiwas ang kanilang kampo na talakayin sa publiko ang mga detalye ng kaso bilang pagrespeto sa proseso ng hudikatura.
“Sa ngayon we cannot speak of the details of the case, along with the other evidence kasi it’s already subject of ongoing proceedings,” ani Atienza.
“But what we can say right now is that we are confident in the strength of our case and our evidence, and the court is the proper forum where we can test this evidence,” dagdag pa nito.
Nang tanungin hinggil sa mga kumakalat sa internet na bumabatikos sa isinampang kaso, sinabi ni Atienza na hindi makikipagsabayan ang kanilang kampo sa mga espekulasyon sa social media.
“We respect the court process and we trust that the court will view this matter fairly. Ipinapaubaya po natin sa korte ang paglilitis at pagtingin sa mga ebidensyang ipipresenta ng mga parties,” paliwanag ni Atienza matapos dumalo sa unang pagdinig ng kaso.
Iginiit din ni Atienza na hindi pag-atake sa press freedom ang pagsasampa ng kaso laban sa PGMN at hinimok nito ang magkabilang panig na magpigil sa pagsasalita sa social media.
Binigyang-diin ni Atienza na ang hudikatura ang tamang lugar para alamin ang katotohanan at pananagutan, at hindi ang mga online platform.
“And we encourage the public to be more circumspect, to be able to judge what we see on social media. Because ultimately it is the court that will decide,” ani Atienza.
Kinumpirma rin niya na hindi nakadalo nang personal si Romualdez sa pagdinig ngunit handa itong sumunod sa anumang legal na proseso ng korte kung kakailanganin.
“Si Speaker, hindi siya nakadalo ngayon dito sa hearing but he’s duly represented by counsel. If magkaroon, or if ma-require yung kanyang presence or participation in the case whether by the court or under the rules, he will comply,” pahayag ni Atienza.
(TINA MENDOZA)
150 
