TINATAYANG nasa P152 milyong ang halaga ang nasamsam na counterfeit footwear ng mga tauhan ng Philippine National Police -Criminal Investigation and Detection Group, sa lalawigan ng Pampanga.

Ayon sa ulat ng PNP-CIDG, nasa mahigit 45,000 pares ng counterfeit footwear na tinatayang aabot sa P152 milyong halaga, ang nakumpiska sa isang Chinese-operated manufacturing facility sa Pampanga.

Armado ng ilang search warrant, inilunsad ng Criminal Investigation and Detection Group (CIDG) Pampanga Field Unit ang “Oplan Megashopper” sa Global Aseana Business Park 2 sa bayan ng San Simon.

Target ng police operation ang illegal production ng counterfeit footwear ng isang kilalang brands, partikular ang sikat na Crocs.

Sa pagsisiyasat, nabatid na ang nadiskubreng counterfeit production ring ay pinatatakbo ng isang “Chongjian,” isang Chinese national na nagnenegosyo sa Pilipinas sa ilalim ng pangalang “Apexel.” Nananatiling nakakalaya pa ang nasabing banyaga.

Nasa 45,000 pares ng fake na “Crocs” footwear, kasama ang ginagamit na molding plates, raw materials, machinery, sales invoices, at order slips ang nasamsam sa sinalakay na factory na sinaksihan ng Crocs representatives at ilang local government officials.

Lahat ng nasamsam na mga ebidensiya ay ibinigay sa kinatawan ng Crocs para sa safekeeping, pending a clarificatory hearing na itinakda sa February 26, 2025.

“The CIDG remains committed to intensifying efforts to combat the production and sale of counterfeit goods, uphold intellectual property rights, and protect legitimate businesses. Those found liable will be held accountable under the law,” pahayag pa ni CIDG chief, Brigadier General Nicolas Torre III.

“This operation demonstrates our unwavering commitment to uphold the rule of law and protect the interests of businesses and consumers. Counterfeit goods not only undermine legitimate enterprises but also pose significant risks to public safety,” dagdag naman ni PNP chief, Gen. Rommel Francisco Marbil. (JESSE KABEL RUIZ)