SIMULA Mayo 1 ay maaari nang magsimula ang operasyon ng barber shops at salons at maging shooting scenes para sa pelikula at television productions sa mga lugar na sasailalim sa general community quarantine dahil sa COVID-19 pandemic.
Ang mga lugar sa bansa na nasa low at moderate risk ng outbreak ay isasailalim sa GCQ habang mahigpit na ipatutupad ang confinement measures sa lokalidad na nasa ilalim ng enhanced community quarantine hanggang Mayo 15.
Kabilang sa mga sektor na pinayagan na mag-operate habang nasa GCQ ay barber shops, salons, spas at iba pang personal care industry na subject sa “strict health standards,” construction, Build, Build, Build activities, at maging sa motion picture, video and television program production, sound recording at music publishing activities.
Ayon kay Presidential spokesperson Harry Roque, ang malls at commercial centers kabilang na ang mga hardware stores, clothing and accessories at non-leisure stores at frontline offices ng pamahalaan ay pinapayagan na rin na mag-resume sa GCQ areas.
At para naman sa mga lugar sa ilalim ng ECQ, ang mga sektor na pinapayagan mag-operate ay ang dental at EENT clinics (na may strict health standards); delivery services, maging ito man ay e-commerce platform o hindi, in-house o outsourced, para sa mga produkto gaya ng clothing and accessories at office supplies; repair and installation ng machinery and equipment; pagkumpuni sa computers at personal at household goods; laundry shops (kabilang na ang self-service).
Ang mga sektor at aktibidades na mananatili namang ipinagbabawal sa panahon ng ECQ at GCQ ay mass gatherings; gyms/fitness studios and sports facilities; libraries, archives, museums at iba pang cultural activities; travel agency, tour operator, reservation service and related activities; gambling at betting activities: activities ng membership organizations. CHRISTIAN DALE
385 
