INIANUNSIYO kahapon, July 17, ng Star Cinema na may nahanap na silang aktres na gaganap bilang Darna, kapalit ni Liza Soberano na nag-backout sa project dahil sa finger injury.

Si Jane ang susunod sa mga yapak nina Marian Rivera, Vilma Santos, Lorna Tolentino, Nanette Medved, Anjanette Abayari, Angel Locsin, at iba pa. Sinabi ni ABS-CBN Films’ managing director Olivia Lamasan na mahigit 300 celebrities ang nag-audition para sa iconic role.

Si Jane ay exclusive talent ng Star Magic at lumabas na sa maraming TV projects, kabilang na ang “Halik” kung saan gumanap siya bilang Maggie Bartolome, kapatid ng character ni Jericho Rosales. Ang kanyang full name ay Jane Florence Benitez de Leon at mula siya sa Laguna.