“KOKONSULTA kami sa lawyer.”

Ito ang pagtatapos ng mahabang post ng komedyante at manager ni Liza Soberano na si Ogie Diaz.

Nagalit si Ogie dahil sa blind item ng radio DJ na si Kapitana Sisa ng Energy FM.

Sa naturang blind item (na obvious naman daw na si Liza ang tinutukoy), sinabi ng DJ na nabuntis at nagparaspa si Liza kaya ito nagpunta sa Amerika. Matapos ang post ni Ogie ay agad nag-apologize ang DJ sa isang YouTube video na pinamagatan niyang “I AM REALLY SORRY IT WAS AN HONEST MISTAKE.”

Naglabas din ng official statement kamakalawa ang Energy FM na nagsasabing ang socmed accounts ng mga DJ nila ay responsibilidad ng may account at hindi ng istasyon nila.