Day: February 9, 2021

APRUBADO na ng lokal na pamahalaang lungsod ng Maynila ang plano ng Centro Escolar University (CEU) na magsagawa ng limitadong face-to-face classes sa gitna ng COVID-19 pandemic.

Ayon mismo kay Manila Mayor Francisco ” Isko Moreno” Domagoso, ang plano ng CEU ay inaprubahan na nito sa ginanap na meeting sa pagitan ng mga opisyal ng CEU na kinabibilangan nina CEU School of Dentistry Dean Dr. Pearly Lim, CEU Community Dentistry head Dr. Felipe Wilfredo Espineli at CEU Security Department head Col. Nicanor Grino.

Sinabi ni CEU President Dr. Maria Cristina Padolina, na kinatawan ang CEU department heads, kay Moreno na ang graduation ng kanilang mga estudyante ay naantala dahil sa kawalan ng practicum dulot ng ipinatupad na quarantine restriction ng gobyerno.

Nabatid na sakop ng limited face-to-face classes ang graduating students mula sa School of Dentistry.

Sanhi ng basbas na ibinigay ni Isko, sisimulan na ng CEU na tugunan ang requirements na ipinatutupad ng Commission on Higher Education (CHEd) at ng Inter-Agency Task Force (IATF) sa pagdaraos ng limitadong face-to-face class. (RENE CRISOSTOMO)

Read More

NAGIGING dahilan ng pagsisikip ng trapiko sa parte ng North Luzon Expressway na sakop ng Valenzuela City ang mga “camera conscious” na motorista na humihinto ‘pag malapit na sa camera gayong hindi naman dapat.

Bunsod nito ay nagbigay ng paglilinaw si Mayor Rex Gatchalian at sinabing hindi kailangang huminto dahil mawawalan ng saysay ang barriers up.

“For the motoring public of Valenzuela…you don’t need to do a full stop. Just hover at 30kph don’t do a full stop as it will defeat the purpose of barriers up,” sabi ni Gatchalian matapos na isang residente ng lungsod ang “magsumbong” sa alkalde sa social media.

“Barrier up nga sa Valenzuela at ang instructions direcho lang wag hihinto pero kailangan din huminto dahil may nakaabang na camera sa harapan. Galing talag[a] ng nlex imbes na ayusin ang Sistema, band [aid] solution ang ginawa. May traffic pa din o mayor,” anang netizen.

“Just drive through. You don’t need to stop because there is a camera,” paalala ng alkalde. (ALAIN AJERO)

Read More

KINASTIGO ng isang mambabatas sa mababang kapulungan ng Kongreso ang planong ipatupad ng Toll Regulatory Board (TRB) sa tinatawag na ‘three-strike policy’ o pagpapataw ng parusa sa mga motorista na sa ikatlong pagkakataon ay pumasok sa expressway na wala naman umanong sapat na load ang gamit na Radio Frequency Identification (RFID) sticker.

Ayon kay Deputy Speaker for Trade and Industry at Valenzuela City Rep. Wes Gatchalian, bago puntiryahin ng TRB ang mga ordinaryo at regular na biyahero sa iba’t ibang tollways, dapat unahin nitong papanagutin ang concessionaire o operator na sumablay sa pagpapatupad ng ‘cashless toll payments’.

Partikular na tinukoy ni Gatchalian ang tagapamahala ng North Luzon Expressway (NLEX) at Easytrip RFID na dinagsa ng reklamo dahil sa palpak na RFID system nito.

“Why should we penalize motorists who use the tollways to travel when the toll operators are getting away scot-free despite bungling the implementation of the cashless toll payment system?” tanong ng mambabatas.

“To date, no fine has ever been imposed on the toll operators despite the numerous issues we have identified in the implementation of the RFID system during the last hearing of the House Committee on Metro Manila Development on January 19,” dugtong pa niya.

Magugunita na mismong si Mayor Rex Gatchalian na at ang Valenzuela City government ang tumugon sa inaalmahang pamamalakad ng NLEX toll operator partikular ang depektibong RFID reader gadgets nito na nagresulta sa matinding traffic sa naturang lungsod dahilan para suspendihin ng una ang business permit ng huli.

Ayon sa Valenzuela City lawmaker, dapat unahin din ng TRB na ayusin ang interoperability ng RFID systems ng Easytrip at Autosweep bago magpatupad ng anomang paghihigpit sa mga motorista patungkol sa implementasyon ng cashless toll payment scheme.

Nauna rito, hinimok ni Rep. Gatchalian ang Department of Transportation (DOTr) na suspendihin ang nasabing ‘cashless system’ habang wala pang kaukulang batas para sa RFID interoperability. (CESAR BARQUILLA)

Read More

UMAPELA si Senador Manny Pacquiao sa pamahalaan na bigyan ng prayoridad sa pagbabakuna ang overseas Filipino workers (OFWs) na nawalan ng trabaho sanhi ng pananalasa ng corona virus 2019 (COVID-19) pandemic.

Sa panayam matapos mamigay ng ayuda sa mga senior citizen at OFWs sa Quezon City, sinabi ni Pacquiao na dapat mabigyan ng prayoridad ang ating manggagawa na nawalan ng trabaho sa abroad upang makabalik na sila sa kanilang hanapbuhay.

“Napakahalaga ng papel na ginampanan ng mga OFWs upang mas mabilis na makabangon ang ating ekonomiya na nalugmok sanhi ng pandemya,” giit ni Pacquiao.

Sinabi ni Pacquiao na mahigit 11 porsiyento ng kabuuang Gross Domestic Products ng bansa ang nagmumumula sa remittance ng OFWs na itinuturing bilang “economic frontliners.”

“Dahil sa milyon-milyong OFWs, naging ikaapat ang Pilipinas sa mga pangunahing remittance capital sa buong mundo na labis na nakatutulong sa pag-angat ng ekonomiya ng bansa,” ayon kay Pacquiao.

Samantala, walang pagsidlan ng kasiyahan ang maraming residente ng Quezon City nang bisitahin sila nitong Linggo ni Pacquiao.

Bukod sa nakita nilang personal ang pambansang kamao, nakatanggap din ang mahigit isang libong senior citizens ng ayudang walong kilong bigas, groceries, medicine kits at roasted chicken kabilang ang ilang residente sa Brgy. Commonwealth, Quezon City.

Personal ding inabutan ng senador ng tig-iisang libong pisong cash gift ang mga dumalo sa kanyang gift giving activity sa Manuel L. Quezon Elementary School, partikular na ang matatanda at mahihirap na pamilyang lubos na naapektuhan ng pandemya.

Naisagawa naman nang maayos at may sapat na safety protocols at social distancing ang pamimigay ng ayuda. (ESTONG REYES)

Read More

HINILING ni Senador Christopher Lawrence “Bong” Go sa Department of Health (DOH) evaluators ng cold storage na tiyakin ang proteksiyon ng COVID-19 vaccines na darating sa bansa.

Kasabay nito, hinimok ni Go ang DOH na madaliin ang pag-apruba sa saliva testing ng COVID-19 upang maging mura ang pagsusuri ng sakit.

Sinabi ni Go na pinaghirapan ng pamahalaan ang pagbili ng bakuna dahil nag-aagawan ngayon ang mga bansa sa suplay ng gamot.

“Pinakamahalaga dito na walang masirang bakuna upang matiiyak na ligtas ang ating mamamayang Pilipino na mababakunahan,” ayon kay Go.

Aniya, dapat sumunod ang alinmang healthcare institution sa pangangailangan sa antas ng lamig ng mga cold storage upang matiyak na protektado ang bakuna laban sa kontaminasyon. (ESTONG REYES)

Read More

NANAWAGAN ang Malakanyang sa mga magdiriwang ng Chinese New Year ngayong darating na Biyernes, February 12.

Sinabi ni Presidential spokesperson Harry Roque na pinapayagan naman ng gobyerno ang pagdiriwang ng Chinese New Year subalit kailangan na kaakibat nito ang mariing pagsunod sa health protocols tulad ng mask, hugas, iwas upang hindi kumalat ang COVID-19.

Sa kabilang dako, inanunsyo rin ni Sec. Roque na kasabay ng mahalagang pagdiriwang na ito ng mga kababayan nating Filipino-Chinese, binigyan na rin ng pahintulot ng Inter-agency Task Force (IATF) ang isang mall na malapit sa Manila Bay na magkaroon ng fireworks display.

Ayon kay Sec. Roque, pupuwede naman aniyang ipagdiwang ang nasabing okasyon basta’t siguruhin ang kaligtasan laban sa COVID-19 lalo na’t nalalapit na ang pagdating ng bakuna kontra rito. (CHRISTIAN DALE)

Read More

MAY ikinakasa nang case build-up ang sub task group on economics na pinangungunahan ng Dept. of Agriculture at Dept. of Trade and Industry laban sa mga natuklasang nananamantala sa presyo ng mga ibinebentang karne ng baboy sa mga pamilihan.

Sinabi ni DA Sec. William Dar, sa Laging Handa public briefing na tuloy-tuloy na ang kanilang pagmamanman sa mga trader at wholesalers ng baboy na itinuturong may mga pang-aabuso sa suplay at presyuhan ng meat products.

Ikinasa ng DA at DTI ang hakbang na ito, kasunod ng lumutang na problema sa nakalipas na halos isang buwan, kung saan ang mga biyahero, traders at wholesalers sa National Capital Region (NCR) ang nagdidikta sa napakataas na halaga ng karneng baboy.

Sinabi pa ni Sec. Dar na bago pa sumapit ang 2020 ay maayos ang halaga ng bentahan ng baboy kahit nagkaroon ng pagtaas ngunit pagpasok aniya ng 2021 ay hindi na ito bumaba at lalo pang tumaas kaya’t nagpasya na ang gobyerno na magtakda ng price cap. (CHRISTIAN DALE)

Read More

INATASAN ni Senador Grace Poe ang Department of Transportation (DOTr) na suspendihin ang implementasyon ng Motor Vehicle Inspection System (MVIS) sa gitna ng hindi nareresolbang isyu at reklamo na lubhang nagpapa-agrabyado sa motorista sa panahon ng pandemya.

Sa pahayag, sinabi ni Poe na masyadong malapit ang timing ng implementasyon dahil marami ang naghihirap at nawalan ng trabaho sanhi ng pandemya.

“The timing of its implementation could not have been worse. We are still in the middle of a pandemic with no definite end in sight. Hindi ba pwedeng time-out muna habang nasa gitna pa tayo ng pandemya?” ayon kay Poe.

“The costs are prohibitive for a still imperfect system. Mula sa P500 noon na emission testing fee, naging P1,500 o triple ang iminahal ngayon ng inspection fee. Dagdag pa ito sa mismong registration fee na maaaring umabot ng higit pa sa P3,000. Para sa isang sistema na napakaraming problema, makatwiran ba ang mga bayaring ito?” tanong ni Poe.

Ikinalungkot pa ng chairperson ng Senate committee on public services ang kawalan ng konsultasyon sa transisyon ng motor vehicle inspections center mula sa dating emission testing center sa pagsasabing “Safer roads mean no shortcuts. The public must be consulted and informed every step of the way. Dapat kabahagi ang mga motorista sa paghulma ng ganitong kalaking polisiya.”

Kasaabay nito, inatasan ni Poe ang DOTR at Land Transportation Office (LTO) na isumite ang listahan ng private motor vehicle inspection centers (PMVIC) kabilang ang pangalan ng may-ari at incorporators.

“Ibinigay ninyo sa pribadong namumuhunan na three years lang mababawi na nila. ‘E kung nasa kanila ng ilang taon ‘yan, ‘e ‘di ang laki ng kita nila. Bawi na sila ng tatlong taon,” ayon kay Poe saka itinanong sa LTO kung paano napili ang PMVIC at kung may sapat na kasanayan ang tauhan nito.

Sa kasalukuyan, mayroon 138 PMVICsa na accredited at tanging 23 lamang ang may operasyon na hindi sapat upang tugunan ang lahat ng sasakyan na magparehistro kada taon.

Sa kanyang pagtutuos, sinabi ni Poe na kailangan suriin ng PMVIC ang mahigit 173, 913 sasakyan o tinatayang aabot sa 476 saskyan kada araw, kasama ang Sabado at Linggo.

Aniya, kung magbabayad ang lahat ng pribadong sasaksay ng P1,500, inaasahang kikita ang bawat PMVIC ng aabot sa milyon kada araw o P261 milyon sa unang taon ng operasyon kung iimpeksiyunin nila ang magkakatulad na bilang ng sasakyan kada araw. Inaasahan din na lahat ng sasakyan ay makapapasa sa unang pagsusuri at hindi na kailangan pang bumalik at magbayad mula sa ikalawang inspection matapos bumagsak ang unang test.

“Sino ang may-ari ng mga centers na iyan na binigyan na ng permit nang wala pang regulation,” tanong ni Poe. (ESTONG REYES)

Read More