BULACAN – Umabot sa 16 drug suspect ang natimbog ng Station Drug Enforcement Unit (SDEU) sa magkakahiwalay na anti-illegal drug operation sa iba’t ibang lugar sa lalawigang ito, noong Biyernes.

Base sa report kay P/Col. Lawrence Cajipe, provincial director ng Bulacan PNP, kinilala ang mga arestado na sina June Calbay, Alfredo Flores, Jojie Loren de Leon, Renz Ethelberg, Eduardo Tan, Jr., Roderick Lotoc, Rolando Narciso, Sunday Acosta, Kristine Gueriña, Romnick Sid, Alicia Llamas, Melchor Torres, Marlyn Francisco, Marlyn Francisco, Julieta Magat, Cecilia Dela Rosa at Melito Kaguiat.

Ang mga suspek ay nadakip sa magkakahiwalay na buy-bust operation sa Calumpit, Bulakan, San Rafael, San Miguel, Norzagaray, Baliwag at San Jose del Monte City at nakumpiska ang kabuuang 61 pakete ng shabu at buy-bust money.

Bukod dito, apat na wanted person ang nadakip ng trackers team sa San Jose del Monte City, Norzagaray, Plaridel at Meycauayan City dahil sa mga kasong sexual abuse, estafa, robbery with violence and intimidation at attempted homicide.

Samantala, nakorner ng mga tauhan ni P/Lt. Col. Bernardo Pagaduan, Meycauayan City police chief, ang 17 sugarol sa Barangay Saluysoy at Barangay Pantoc sa Meycauayan City sa aktong naglalaro ng poker at tong-its. (GINA BORLONGAN)