DALAWANG kasambahay ang iniulat na namatay sa nangyaring sunog sa isang condominium sa Binondo, Manila habang ipinagdiriwang ang Chinese New Year nitong Miyerkoles ng madaling araw.

Ayon sa ulat ng Manila Fire Department ng Bureau of Fire Protection, bandang alas-3:00 ng madaling araw nang sumiklab ang sunog sa nabanggit na condominium.

Tumagal umano ang sunog ng mahigit isang oras bago naapula ang apoy pasado alas-5:00 ng umaga.

Hinihinalang nag-panic ang dalawang biktima kaya na-trap ang mga ito.

Agad namang kinordon ng mga tauhan ng Meisic Police Station 11 ang lugar upang matiyak ang seguridad. (RENE CRISOSTOMO)