HINDI pinatagal ng Bureau of Customs – Port of Cebu – Subport of Mactan ang pagtanggap at pagpapalabas ng 210,600 doses ng bakunang Pfizer nitong Hunyo 10.
Kaagapay ng BOC – POC ang Department of Health (DOH) sa Region VII sa isinagawang pagpoproseso ng mga bakuna.
Ayon sa BOC, nanggaling sa COVAX facility ng World Health Organization (WHO) ang Pfizer vaccines na diretsong inihatid sa Mactan, Cebu International Airport mula Belgium.
Pinangunahan nina POC District Collector Atty. Charlito Martin R. Mendoza at Subport of Mactan Port (SOMP) Collector Gerardo A. Campo ang pagtanggap at papapalabas ng mga bakuna patungo sa storage facility sa Central Visayas Center for Health Development (CVCHD).
(Joel O. Amongo)
156 
