ANIM na kabataang weightlifters ang mag-rerepresenta sa Pilipinas sa 2021 International Weightlifting Federation (IWF) Youth World Championships na gaganapin sa Jeddah, Saudi Arabia mula Oktubre 5-12.
Ang anim na pambato ng bansa ay sina Jeaneth Hipolito, Rose Jean Ramos, Lovely Inan, Albert Ian delos Santos, Adrian Cristobal at Christian Rodriguez.
Bubuhat para sa women’s 40kg category si Hipolito, sa women’s 45kg si Ramos, at 49kg event si Inan.
Sasabak naman sa men’s 67kg category si Rodriguez, samantalang parehas na swak sa 61kg event sina Delos Santos at Cristobal.
Tatlong gintong medalya ang naiuwi ng 18-anyos na Pinay weightlifting sensation na si Vanessa Sarno sa nakalipas na IWF World Youth Championship noong nakaraang taon. (ANN ENCARNACION)
179 
