NAKAPAGTALA na ng unang positibong kaso ng Coronavirus Disease o COVID-19 sa Biñan City, Laguna.

Ayon sa Biñan City Public Information Office, kinumpirma ito mismo ni Mayor Arman Dimaguila nitong Lunes ng umaga.

Ang nagpositibo ay isang 58-anyos na Filipino na residente ng Barangay San Francisco.

Wala namang sinabi kung ito ay may travel history sa abroad o local transmission lamang.

Ito na ang ikatlong kaso ng COVID-19 sa Laguna kung saan ang dalawang nauna ay mula sa lungsod ng Sta. Rosa

partikular sa mga barangay ng Macabiling at Tagapo. NILOU DEL CARMEN