IBINUNYAG ng Facebook na umaabot na sa 5.4 milyong child nudity at sexual exploitation ang kanilang natanggal sa platform.

Sa pagdinig ng Senate Committee on Women, Children, Family Relations and Gender Equality sa mga panukala kaugnay sa pakikipaglaban sa online sexual abuse and exploitation sa kabataan at electronic violence against women, inihayag pa ng Facebook na mayroon silang 35,000 employees na nakabantay sa safety and security, kabilang ang 15,000 content reviewers upang matiyak ang mabilis na aksyon sa mga report.

Kinumpirma naman ng Google na 94 porsiyento o 8.8 million ng mga video ang kanilang na-takedown makaraang ma-detect ng kanilang aparato.

Gayunman, wala pang datos ang Google sa mga kaso sa Pilipinas.

Sinabi naman ni Senador Kiko Pangilinan na ang mga report na kanilang natatanggap ay taliwas sa social media policies.

“The information we are receiving on the ground is that as soon as one is taken down, another one is just created and then the technology of bots and inauthentic behavior and are able to rise,” diin ni Pangilinan.

“The term is immediate takedown. And relying on reporting alone I think is less than ideal… Relying on the citizens to be vigilant is great because they ought to be vigilant. But the technology out there is sometimes just too powerful and too overwhelming for one or two or more individuals to respond effectively,” dagdag pa ng senador.

Iginiit ni Pangilinan na hangga’t hindi nakikitaan ng agresibong aksyon ang mga social media sites laban sa criminal acts online na gumagamit ng kanilang platforms ay mananatili silang bahagi ng krimen.

Kasabay nito, sinabi ng Senador na dapat mabilis ang aksyon ng mga social media sites sa pag-takedown ng mga kaso ng sexual abuse at exploitation online.

“There should be a more proactive response rather than just rely on reports. The difficulty with reporting as was earlier manifested in some of the experiences, it would take several months. But if there is a proactive immediate takedown response from Google and all other media platforms, it would be better,” pahayag ni Pangilinan.

“Part of prevention is immediate takedown because it prevents the spread, prevent the potentially billions who would have access to that information that is private to one individual,” dagdag pa ng senador. (DANG SAMSON-GARCIA)