KINUMPIRMA ni House Majority Leader Ferdinand Martin Romualdez na positibo siya sa COVID-19 matapos sumailalim sa RT-PCR test na regular na isinasagawa sa mga mambabatas na personal na pumapasok sa Kongreso.

“Today, I received the result of my RT-PCR test showing that I am positive for COVID-19. I am scheduled to undergo a second test tomorrow to rule out a false positive result,” anunsyo ni Romualdez noong Miyerkoles ng hatinggabi.

Inamin ng mambabatas na nakaranas siya ng mga sintomas ng COVID-19 kaya nang magpositibo ang kanyang swab test ay agad nag-isolate.

“I urge everyone who had close contact with me to undergo RT-PCR test,” ayon kay Romualdez na ika-16 miyembro ng Kamara na nagkaroon ng COVID-19 mula noong Marso 2020.

Nitong Huwebes ay isinailalim ni House Speaker Lord Allan Velasco ang Batasan Complex sa apat na araw na lockdown, hindi dahil nagpositibo si Romualdez sa COVID-19 kundi dahil sa naka-aalarmang pagdami ng mga kaso sa Metro Manila.

“We have decided to place the entire Batasan Complex on a temporary lockdown from March 18 to 21 as a precautionary measure to protect the health and safety of House members and employees in view of the alarming increase in COVID-19 cases in Metro Manila,” ani Velasco. (BERNARD TAGUINOD)