ARESTADO ang ikasampu sa talaan ng most wanted persons ng Northern Police District (NPD) sa Caloocan City.

Nasakote ang suspek na si John Michael De Jesus, 25, residente ng Barangay 28, Dagat-dagatan, ng lungsod, dakong alas-5:15 ng hapon noong Abril 20 sa Pamasawata, C3 Road, Barangay 28, Dagat-Dagatan.

Dinakip ang suspek sa bisa ng warrant of arrest sa kasong attempted homicide na inisyu ng Malabon Regional Trial Court Branch 120.

Inirekomenda ng korte na makapaglagak ng piyansang P36,000 ang suspek para sa pansamantala niyang kalayaan. (ALAIN AJERO)