INILAGAY ng pamahalaan ang business process outsourcing (BPO) sector personnel at Commission on Elections frontline employees sa ilalim ng A4 priority category ng COVID-19 vaccination program ng pamahalaan.
Sinabi ni Presidential spokesperson Harry Roque na ito’y nakapaloob sa ilalim ng Inter-Agency Task Force (IATF) Resolution 116 na in-adopt ngayong linggo.
Maliban sa BPO sector at Comelec personnel, ang liquefied petroleum gas (LPG) dealers, retailers, at attendants ay inilagay din sa ilalim ng A4.2 priority list.
Ang A4 sector ay kinabibilangan ng mga manggagawa na required na pisikal na mag-report sa kanilang trabaho sa gitna ng COVID-19 quarantine restrictions.
Nauna rito, sinabi ni Sec. Roque na ang A4 sector ay tuturukan ng COVID-19 vaccine doses na binayaran ng national government lalo pa’t ang donated vaccines mula sa global aid facility COVAX ay required na gamitin sa health workers, senior citizens, persons with comorbidities, at poor/indigent population.
Sa 7.7 million doses ng COVID-19 vaccine ay 4.53 million doses ang binayaran ng national government.
Sa nasabing bilang 4.53 million doses ay binili, apat na milyon ang Chinese brand Sinovac habang ang natitira naman ay Russian-manufactured Sputnik V. (CHRISTIAN DALE)
150 
