KINUMPIRMA kahapon ng Philippine Coast Guard (PCG) na itinaboy nila palabas ng bansa gamit ang BRP Teresa Magbanua, ang Chinese research vessel na Tan Suo 3, na hinihinalang nagsasagawa ng “deep-sea exploration” sa loob ng exclusive economic zone ng Pilipinas malapit sa Ilocos Norte.

Ayon kay Commodore Jay Tarriela, PCG spokesperson for the West Philippine Sea; “BRP Teresa Magbanua had ‘successfully escorted’ the Chinese research vessel Tan Suo 3 out of the Philippine Exclusive Economic Zone (EEZ) on Monday evening.”

“The deployment of the Philippine Coast Guard BRP Teresa Magbanua and our coast guard aircraft is successful in preventing the Chinese government in doing marine scientific research and whatever research they are conducting in our own exclusive economic zone,” ani Commodore Jay Tarriela.

“It is worrisome. Nakakabahala in a way na it’s because this Chinese research vessel has the capability for deep-sea mapping. Malalim ito and there’s a possibility that they are doing this kind of deep-sea mapping in support of their submarine navigation,” ayon pa sa opisyal.

Sinasabing lubhang nakababahala umano ang namataan ng Philippine Coast Guard (PCG) kamakailan sa Ilocos Norte, na isang Chinese research vessel dahil ang barko ay may deep sea mapping capabilities para sa submarine deployment.

Para kay Tarriela, ang ilegal na aktibidad ng barko ng China sa EEZ ng Pilipinas ay isang security concern. Ang research vessel na Tan Suo 3 ay nagsasagawa ng ilegal na marine scientific research sa loob ng exclusive economic zone (EEZ) ng bansa.

Lunes pa unang na-detect ang Tan Suo 3 na pumasok sa EEZ sa layong 92 nautical miles sa karagatan sakop ng Burgos, Ilocos Norte.

Kaya agad na idineploy ang PCG ang BRP Teresa Magbanua at isang aircraft upang i-monitor, i-challenge at i-escort ang Chinese ship palabas ng Philippine EEZ.

Na-monitor ng PCG ang manned deep-sea submersible vessel patungo sa Tan Suo 3. Naobserbahan din ng PCG ang rigid hull inflatable boat na may nire-recover na dilaw na hindi matukoy na piraso ng equipment na nauugnay sa marine scientific research activities.

Sinabi ni Tarriela, nitong Martes ng umaga, ang Tan Suo 3 ay matatagpuan sa 250 nautical miles ng baybayin ng Burgos –labas ng Philippine EEZ.

(JESSE KABEL RUIZ)