MAKATATANGGAP ng tig-P150,000 ayuda ang pamilya ng bawat estudyanteng nasawi sa pamamaril sa San Jose National High School sa Tacloban City.
Ito ang inanunsyo ni Presidential Communications Office Undersecretary at Palace Press Officer Claire Castro.
“Each family of those who died will be given financial assistance of PHP150,000,” ani Castro.
Bukod dito, magbibigay rin ang Department of Social Welfare and Development at Department of Health ng psychosocial services sa mga naapektuhan ng insidente.
Samantala, lumabas sa imbestigasyon na mahigit isang buwan umanong pinagplanuhan ng dalawang menor de edad na suspek ang pag-atake.
Ayon kay Police Brig. Gen. Jason Capoy, nagsimula umano ang pagpaplano noong Mayo 1.
Tatlong estudyante ang nasawi habang 20 katao ang nasugatan sa insidente.
(CHRISTIAN DALE)
73 
