UNIFORMED PERSONNEL PAGBABAWALANG MAG-TIKTOK

tiktok

PINAG-AARALAN ng National Security Council (NSC) ang posibilidad na i-ban ang social media platform gaya ng TikTok sa uniformed personnel ng gobyerno.

Layon nito na maiwasan ang posibleng ‘data leak.’

“What I can do is to raise this with the National Security Adviser [Eduardo Año] if it would be proper for us to do so kasi alam mo naman dito sa Pilipinas… sabihin curtailment of the freedom of expression, curtailment of the freedom of speech,” ayon kay NSC Assistant Director General Jonathan Malaya sa Saturday News Forum sa Quezon City.

Ani Malaya, ang pagba-ban o pagbabawal sa TikTok sa government workers ay kailangan pag-aralang mabuti “based on national security consideration.”

“We will discuss this with the National Security Adviser if it will be proper for the Philippines to take this step,” ayon kay Malaya.

Sa ulat, may ilang bansa gaya ng Estados Unidos, India, at Canada ang nag-anunsyo ng kanilang habang na i-ban ang TikTok, pag-aari ng Chinese company, sa government phones at state workers.

Ito’y sa kabila ng alalahanin na ang aplikasyon ay maaaring magbigay ng “sensitive use data” sa Chinese government.

Nilinaw naman ni Malaya na sakaling ipatupad ito ay hindi kasama ang mga pampublikong guro at iba pang civilian agencies.

“It would be for the security sector, I’m talking about the Armed Forces, the uniformed personnel and in particular the intelligence entities of the government —the National Security Council,” dagdag na pahayag ni Malaya. (CHRISTIAN DALE)

420

Related posts

Leave a Comment