3 AKTIBIDADES ANG HIGHLIGHTS

NAGING sentro sa katatapos na 118th Founding Anniversary ng Bureau of Customs (BOC) ang tatlong ibat-ibang aktibidades noong nakaraang linggo.

May temang “Moving Towards a Credible, Modern and Professional Customs Administration” ang okasyon na ginanap sa BOC- Office of the Commissioner sa Port Area, Manila na dinaluhan nina Department of Finance Secretary Carlos Dominguez III at BIR Commissioner Caesar R. Dulay.

Ang tatlong aktibidades ng selebrasyon ay kinabibilangan ng ‘fuel field testing demonstration, inauguration of the BOC Customer Care Center (CCC) at mismong anniversary program proper’ na kung saan ay kasama ang pagkikila sa “Bureau’s top performing units at personnel”.

Ang fuel field testing ay isang elemento ng Fuel Marking Program (FMP) na layunin ay magsuri ng mandatory marking ng fuels sa ilalim ng TRAIN Law.

Ang programa ay magsisilbing malakas na bakod ng seguridad para protektahan ang pagkulugi ng revenue mula sa smuggled o misdeclared fuel products.

Ito rin ang magsisilbing karagdagang ‘quality control measure’ simula pa sa quality standards para maging matagumpay ang pagmamarka.

Ang demonstration ay dinaluhan ng mga pinuno ng mga kompanya na tulad ng Petron, Pilipinas Shell at Phoenix Petroleum.

Kasunod nito ang inagurasyon ng BOC Customer Care Center na modern customs service center na magsisilbing ‘One-Stop-Shop’ na magbibigay serbisyo sa centralized document receiving and releasing, gate pass issuance at iba pang serbisyo.

May house information Kiosks na ang layunin na magbibigay ng ‘interactive means of information’ sa stakeholders ng Bureau of Customs.

Kasabay ng okasyon ay ang pgbibigay ng parangal at papuri  sa mga port na tulad ng Aparri, Cagayan De Oro, Iloilo, Legaspi, Limay, San Fernando, Subic, Zamboanga at Tacloban para sa kanilang magagandang  performance noong 2019.

Kinilala rin sa anti- smuggling efforts ang Manila International Container Port (MICP), Port of Zamboanga at Port of NAIA.

Maging ang Customs Intelligence and Investigation Service (CIIS), Enforcement and Security Service (ESS), Intellectual Property Rights Division (IPRD), X-Ray Inspection Project (XIP), Customs Anti-Illegal Drugs Task Force (CAIDTF) at   Environment Protection and Compliance Division (EPCD) ay pinarangalan.

Pinuri ni Finance Secretary Dominguez ang BOC sa patuloy na pagpapaganda ng kanilang serbisyo at pagtitiyak na magiging epektibo ang kanilang mga tauhan.  Boy Anacta