MGA NAMATAY SA COVID SA QUEZON ‘DI NA NA-CREMATE

0

TALIWAS sa atas ng Inter-Agency Task Force for the Management of Emerging Infectious Diseases (IATF-MEID), inilibing na lamang sa isang mass grave ang mga namatay na pasyenteng tinamaan ng COVID-19, nito lamang nakaraang linggo.

Ayon sa nakalap na impormasyon ng SAKSI, mismong si Gobernador Danilo Suarez ang umano’y nag-utos na agad ilibing ang bahagyang nabubulok nang mga bangkay sa Quezon Medical Center sa lungsod ng Lucena.

Una nang kumalat sa social media ang mga larawan ng mga bangkay ng pasyenteng namatay dahil sa COVID-19, na nakatambak lang sa pasilyo ng nasabing pagamutan.

Ayon kay Suarez, galing pa sa iba’t ibang lokalidad sa kanyang lalawigan ang mga residenteng pumanaw dahil sa COVID-19, kasabay ng pag-aming siya mismo ang nag-utos na ipunin muna ang mga bangkay dahil sa limitadong kapasidad ng nag-iisang crematorium sa kanilang lalawigan.

Bunsod ng patuloy na pagdami ng mga namamatay, nagpasya na lamang aniya ang pamahalaang panlalawigan na magpagawa ng mga ataul na gawa sa yero at agad na inilibing sa isang mass grave sa nasabing lalawigan.

Hindi naman tinukoy ng gobernador ang eksaktong lugar kung saan inihimlay ang mga pumanaw. Wala ring sinabi kung ilan talaga ang mga inilibing sa nasabing mass grave.

Sa ilalim ng ipinaiiral na polisiya ng IATF, kailangang i-cremate ang bangkay ng mga namatay bunsod ng nakahahawang sakit.

Ayon naman sa Department of Health – Calabarzon Regional Office, wala silang natatanggap na impormasyon hinggil sa mass burial na isinagawa ng pamahalaang lungsod ng Quezon.

Read More

PNP-NCRPO pinakilos sa new quarantine system NCR ALERT LEVEL 4 MULA SEPT. 16

0

PAIIRALIN sa National Capital Region (NCR) ang Alert Level 4 sa pagsisimula ng pagpapatupad ng bagong COVID-19 Alert Level System ng pamahalaan sa Setyembre 16

Ito ay dahil sa kasalukuyang ay nasa ‘high-risk classification’ pa rin ang NCR kasama na ang ‘intensive care utilization’ sa rehiyon.

“NCR is currently at high risk case classification as it maintains a moderate risk two-week growth rate (TWGR) and high risk average daily attack rate (ADAR),” ayon kay Health Undersecretary Maria Rosario Vergeire.

Ipinaliwanag nito na tumaas pa sa 39.09 ang ADAR mula sa 30.44 noong nakaraang linggo habang ang ICU utilization ay naitala sa 77.5% na high-risk din habang malapit na rin sa high-risk ang bed utilization na nasa 69.5%.

Ang Alert Level 4 ang ikalawang pinakamataas na alert level.  Nasa ‘high’ at patuloy na tumataas ang transmisyon ng virus habang high rin ang ICU at bed utilization.

Sa Alert Level 1, mababa at patuloy ang pagbaba ng impeksyon at mababa rin ang health care utilization; sa Alert Level 2, mababa pa rin ang impeksyon ngunit ang health care ay mababa pero tumataas; sa Alert Level 3, mataas na ang impeksyon at patuloy na tumataas habang tumataas na rin ang healthcare utilization.

Sa Alert Level 5 naman, dito ay nakakaalarma na ang hawaan ng virus at kritikal na ang healthcare utilization rate.

“During this time we must ramp-up active case finding, conduct risk-based testing using RT-PCR, and fast track vaccination among high-risk groups. There will also be intensified granular lockdowns from barangay down to the household level to contain transmission,” giit ni Vergeire.

Kaugnay nito, pinakilos na ni Philippine National Police (PNP) chief, Police General Guillermo Lorenzo Eleazar ang lahat ng police commander sa Metro Manila para tumulong sa pagpapakalat ng impormasyon hinggil sa mga bagong panuntunan sa quarantine alert level system at pagbuo ng strategic enforcement at deployment sa pakikipag-ugnayan sa mga lokal na pamahalaan sa National Capital Region epektibo sa Setyembre 16.

Ang direktiba para sa mga tauhan ng PNP-NCRPO na pinamumunuan ni Major Gen. Vicente Danao, ay kasunod ng inilabas na guidelines ng pamahalaan noong Lunes na layong pigilan pa rin ang pagkalat ng coronavirus disease (COVID-19) sa gitna ng patuloy na pagtaas ng kaso nito sa nakalipas na mga araw.

Ayon kay P/Gen. Eleazar, “Sa paglabas ng mga alituntunin ng quarantine alert level system, inatasan ko na ang ating mga police commander sa Metro Manila na pag-aralang mabuti at patuloy na makipag-ugnayan sa mga LGU para sa strategic deployment at enforcement para sa maayos na pagpapatupad ng mga ito”.

Layunin din ng kautusan na maiwasan ang kalituhan sa pagpapatupad ng mga panuntunan na minsan ay nagreresulta sa walang kwenta at mainitang pagtatalo.

Sa ilalim ng mga bagong panuntunan, sakop ng alert level system ang buong lungsod o bayan na siyang pipigil at mangangasiwa sa pagkalat ng sakit kung saan bawat lokalidad ay ilalagay sa Alert level 1 hanggang 5 batay sa magiging pasya ng Department of Health.

Habang ipatutupad naman ang granular lockdowns sa mga kritikal na lugar na siyang tutukuyin naman ng mga lokal na pamahalaan. (RENE CRISOSTOMO/JESSE KABEL)

Read More

Babala ng QC LGU KUMPANYANG ‘DI MAG-UULAT NG COVID CASES KAKASUHAN

0

MULING inulit ng Quezon City government ang kanilang panawagan sa mga kumpanya na agarang i-report ang posibleng coronavirus disease 2019 (COVID-19) cases sa kanilang mga empleyado kung hindi ay mahaharap sila sa kasong paglabag sa COVID-19 protocols.

“We call on companies to immediately inform us about their workers who could be positive for COVID-19. This is to avoid the spread of the virus in their work area and to nearby communities,” ani Mayor Joy Belmonte.

“Kung hindi kayo makikipagtulungan at magdudulot kayo ng abala pati na sa komunidad, hindi kami magdadalawang isip na sampahan kayo ng kaso,” dagdag pa niya.

Si Belmonte ay nag-isyu ng paalala matapos iulat ni City Attorney Orlando Paolo Casimiro na may kaso nang naisampa dahil sa paglabag sa health protocols laban sa Millennium Erector Corporation (MEC).

Ang construction sa Manhattan Cubao ay nakapagtala ng 57 cases ng COVID-19 sa loob ng kanilang nasasakupan.

“If evidence proves that MEC was aware of its workers’ situation but failed to report to the CESU, then they may be held criminally liable pursuant to Section 2.c of the IRR of RA 11332 or the Mandatory Reporting of Notifiable Diseases and Health Events of Public Health Concern Act,” ani Casimiro.

Ang Department of the Building Official (DBO), sa pamumuno ni Atty. Dale Perral, ay inendorso ang pagsasampa ng kasong paglabag sa RA 11332 matapos na mag-isyu ng Cease and Desist Order noong Agosto 26 laban sa MEC na ipinatigil ang aktibidades sa nasabing konstruksyon.

Matapos na madiskubre ang one index case noong Agosto 16, ang City Epidemiology and Surveillance Unit (CESU) ay nagsagawa ng mass testing sa 271 workers. Ang 13 nagpositibo at dinala sa city’s HOPE Facility.

Ang nasabing area ay isinailalim sa Special Concern Lockdown. Noong Agosto 21 ay may karagdagang 13 positive workers na dinala sa HOPE.

Samantala noong Agosto 26, nagsagawa ang CESU ng mass testing sa mga manggagawa. Ito ay matapos malaman ng barangay officials na marami sa kanila ang inuubo at humingi ng paracetamol.

Pagkaraan ay iniulat ng CESU na may 30 karagdagang workers ang naging positibo sa COVID-19. (JOEL O. AMONGO)

Read More

3 HUMAN TRAFFICKING VICTIMS NAHARANG

0

CLARK FREEPORT ZONE, Pampanga – Pinigil ng mga tauhan ng Bureau of Immigration (BI) sa Clark International Airport (CIA) sa Pampanga na makaalis sa bansa ang tatlong kababaihan na papuntang United Arab Emirates (UAE) dahil sa hinalang mga biktima ang mga ito ng human trafficking.

Ayon sa report kay Immigration Commissioner Jaime Morente, sinabi ng BI’s Travel Control and Enforcement Unit (TCEU), ang mga pasahero na naharang noong nakaraang Biyernes ay tinangkang sumakay sa Emirates flight patungong Dubai.

Ang nasabing mga kababaihan ay sumailalim sa pangunahing immigration inspection at tinangkang umalis sa bansa bilang mga turista, ngunit kalaunan ay inaming pupunta sila sa nabanggit na bansa para magtrabaho bilang domestic household workers.

Napag-alaman na lahat sila ay may valid UAE tourist visa at return tickets bilang patunay na sila ay mga lehitimong magbabakasyon sa Dubai.

Sa pagtatanong sa kanila, inamin ng mga kababaihan na sila ay ni-recruit para magtrabaho sa abroad nang walang required overseas work permits mula sa gobyerno.

Nakatanggap sila ng tagubilin mula sa kanilang handler via Facebook at nakatanggap din ng copies ng kanilang visa at return ticket sa pamamagitan ng Internet.

Ayon sa mga biktima, hindi sila nagbayad ng ano mang halaga mula sa ahente ngunit ang kanilang ginastos ay babawasin sa kanilang sweldo.

“This is a form of debt bondage,” ani Morente.  “Hindi ka pa nakakaalis may utang ka na.  In many cases, victims are charged by their recruiters exorbitant amounts which they are unable to immediately pay off, further locking them to their employers despite horrible working conditions,” dagdag ng opisyal.

Ang mga biktima ay itinurn-over sa Inter-Agency Council Against Trafficking (IACAT) para sa karagdagang imbestigasyon.

Kaugnay nito, nagbabala si Morente sa mga miyembro ng human trafficking syndicates na pinaigting ng BI ang kanilang pagbabantay at hindi lamang sila nakasentro sa airport sa Manila kundi maging sa buong international ports. (JOEL O. AMONGO)

Read More

ISA PANG OVERPRICED FOOD PACKS SA QC, ISINIWALAT NI DEFENSOR

0

ISA pang overpriced na food packs na binili ng Quezon City government ang isiniwalat ni Anakalusugan Party-list Rep. Mike Defensor kaya umabot na umano sa P308 milyon ang nawala sa mga residente ng lungsod.

Base sa dokumento na ibinigay ng Quezon City Hall insiders kay Defensor, lumagda umano sa purchase order (PO) si Mayor Joy Belmonte para bumili ng 250,000 food packs na nagkakahalaga ng P287,475,000.

Tulad aniya ng unang biniling food packs ng QC government, ang laman bawat food pack ay P636 lamang ngunit binili ito sa P1,149.98 halaga kaya overprice umano ito ng P513.98.

“Thus, the total overprice for this particular procurement amounted to P128,495,000,” ani Defensor.

Ayon sa mambabatas, ang pangalawang PO na nilagdaan ni Belmonte ay may petsang Nobyembre 23, 2020 at ang supplier ay ang LXS Trading na naka-address sa #1210 Suntrust Capitol Plaza, Matalino St., Central, Quezon City.

Dalawang linggo na ang nakararaan nang isiniwalat ng mambabatas ang walang petsang PO na nilagdaan ni Belmonte para sa pagbili ng 350,000 food packs sa Thyme General Merchandise na may tanggapan sa #32 Batay St., Cubao, Quezon City.

Nagkakahalaga aniya ito ng P402.5 million dahil binili ito sa halagang P1,149.98 bawat pack pero tulad ng pangalawang PO ay nagkakahalaga lamang aniya ng P636 ang laman ng bawat pack kaya overprice umano ito ng P180 million.

“The two procurements for a total of 600,000 food packs were worth P690 million, of which P308 million was the overprice. At P636 per pack, the city government could have bought and distributed an additional 484,000 food packages,” paliwanag ni Defensor.

Kinuwestiyon din ni Defensor kung bakit pinaghiwalay pa ang biniling food pack para sa mga apektado sa COVID-19 pandemic at binantayan naman aniya ito ng mga City auditor.

“As far as I know, the Commission on Audit prohibits this kind of procurement because it does not allow an agency or local government unit to obtain the best price for the government,” ayon pa kay Defensor. (BERNARD TAGUINOD)

Read More

Philippine Charity Sweepstakes Office: Announcement

0

Areas Open for Small Town Lottery (STL) Applications:

PCSO through the STL Core Group Secretariat will be accepting application of September 14, 2021 – September 29, 2021 from 8:00am to 5:00pm for the following areas for Small Town Lottery Operations:

Pangasinan
Caloocan City
Malabon
Valenzuela
Zamboanga City
Zamboanga Sibugay


The STL Applicant must be a duly registered corporation with the Securities and Exchange Commission (SEC) and one hundred percent (100%) owned by Filipino Individuals with a minimum paid-up capital of Twenty Five Million Pesos (25,000.000.000.00) per area of application.

Please visit the PCSO website www.pcso.gov.ph or call the Branch Operations Sector hotline number (632) 8706 7571 for the list of requirements and other guidelines.

#PCSOsupportUHC
#PCSOGEDSI
#LarongMayPuso
#IpaalamKayGM
#ConqueringCOVID19
#PCSOSTL

Read More

COVID SPECIALIZED HOSPITAL ANG DAPAT PAG-UKULAN NG PANSIN

0

(KARUGTONG)

Kung aalalahanin ang ating kasaysayan, noong taong 1910 ay napag-aralan na halos 40,000 Filipino ang namatay dahil lamang sa sakit na tuberculosis o TB, kung kaya napagdesisyunan na magtayo ng Philippine Island Anti-Tuberculosis Society noong July 29,2010. Ngunit sa pamamagitan ni dating Pangulong Manuel L. ­Quezon na noon ay isang senador, ay nagpasa ito ng batas na kung saan ay naglaan ng pondo mula sa Philippine Charity Sweepstakes para pondohan ang pagtatayo ng Quezon Institute. Sinundan din ito ng panukala ni dating Senador Sergio Osmeña na maglaan ng halagang P1.8 milyon para sa karagdagang pondo sa pag-aaral at gamot sa tuberculosis.

Maging noong panahon ni dating Pangulong Ferdinand Marcos ay nagpatayo rin ito ng mga specialized hospital na katulad ng Philippine Heart Center at ng Philippine National Kidney Institute para sa pag-aaral at paggamot ng tumataas na bilang ng mga Filipino na may karamdaman sa puso at kidney.

Ngunit sa kasalukuyang ­panahon ay tila mas pinag-uukulan ng ating gobyerno ang pagtatayo ng mga pansamantalang COVID Isolation facilities na tila ang iniisip nila ay panandalian lamang ang nagaganap na pandemya.

Napakarami na ang nama­matay dahil hindi man lamang nakapasok maski sa emergency room ng mga ospital dahil ito ay okupado na ng mga nahawahan ng COVID 19 virus at hindi dapat ito mangyari sa mga susunod na panahon.

Marahil ay napapanahon na para manawagan ang bawat isang nagmamalasakit na Filipino na kalampagin ang ating pinuno sa pamahalaan na pag-ukulan na ng pansin ang pagkakaroon ng ­COVID Specialized Hospital o Institute na siyang magiging takbuhan ng mga pasyente na may ­ganitong karamdaman. Dapat na ang mga regular na ospital ay maging bukas na muli para sa mga pasyenteng may pangkaraniwang karamdaman na nangangailangan ng atensyon ng ating mga ospital.

Tama na ang pamumulitika at paggamit ng pandemya para sa sariling kapakanan sa pulitika, panahon na para naman pag-isipan ang tunay na kapakanan ng mamamayan para sa totoong pag-ahon sa krisis dulot ng pandemya. Mas tatatak sa isip ng taumbayan ang pinuno na tunay na magmamalasakit sa bayan para sila ay makaahon sa krisis at mapangalagaan ang kanilang mahal sa buhay.

Read More

BIGAS

0

ISA sa mga nagpapataas ng inflation rate o pagtaas ng presyo ng mga bilihin ang kakulangan ng sapat na supply at paglobo ng presyo ng bigas na pangunahing pagkain ng mga Filipino.

Parang hindi kumpleto ang araw ng mga Filipino kapag walang kanin sa kanilang hapag-kainan at kapag kamote lang ang kinakain n’yo, isa ka na sa poorest of the poor sa ating bayan.

Sa ibang bansa, tinapay o pasta lang talo-talo na pero hindi ‘yan puwede sa Pilipinas dahil hindi natin nakasanayan mula sa pagkamulat na hindi kumakain ng kanin kahit sa agahan.

Pero sa tagal na ng panahon, hindi pa natin nasisiguro na kaya nating suplayan ang pangangailangan natin sa bigas dahil hindi sapat ang inaaning palay ng ating mga lokal na magsasaka.

Noong 2020, sinabi ng ­Philippine Statistics Authority (PSA) na umaabot lang sa 19.44 million metric tons ang naaning palay ng mga lokal na magsasaka sa ating bansa bagama’t tumaas ng 3.3 percent kumpara noong 2019, hindi pa rin ito sapat.

Isang dating kongresista ang nagsabi sa atin noong 2020 na ang nakukonsumo ng mga Filipino na bigas taon-taon ay mahigit 21 million metric tons at pataas nang pataas ito dahil palaki nang palaki ang ating populasyon.

So, kung 19 million metric tons lang ang produksyon sa palay at 21 million ang konsumo, 2 million metric tons ang kakulangan at para punuan ito ay kailangang mag-angkat ang Pilipinas ng bigas sa ibang bansa tulad ng Vietnam at Thailand.

Diyan tumitiba ang rice ­importers dahil mas malaki ang kanilang kinikita kapag nag-i-import lang sila kumpara kung sila ang mamimili ng palay sa mga lokal na magsasaka o kaya mamuhunan sa mga bukid.

Ngayon, ang problema ay bumababa ang produksyon ng Vietnam sa bigas dahil nagsi-shift sila sa mga mahal na variety ng bigas at sa ayaw at sa gusto natin, maaapektuhan tayo.

Tiyak na hindi tayo makakapag-angkat ng sapat na bigas sa Vietnam dahil bumaba ang kanilang produksyon sa mga ordinaryong bigas na ine-export nila na siyang ginagamit naman natin bilang NFA rice.

Kung gusto talaga nating magkaroon ng rice sufficiency para huwag na tayong umasa sa mga imported rice, kailangang tulungan ang sektor ng pagsasaka sa ating bansa. Ang tagal-tagal na itong napapabayaan.

Ang mga magsasaka, hindi nakatatanggap nang sapat na tulong sa gobyerno. Saka lang nagbibigay ng ayuda tulad ng binhi ang Department of Agriculture (DA) kapag nagkaroon ng kalamidad o winasak ng bagyo ang pananim ng mga magsasaka (hindi pa lahat) at pagkatapos wala na.

Kanya-kanyang diskarte ang mga magsasaka para lang makapagtanim. Marami ang ­nangungutang para lang makabili ng binhi at abono na kailangan nila. Kung baga, naisangla na nila agad ang kanilang ani kahit wala pang kasiguraduhan na magkakaani nang sapat.

Pamahal nang pamahal din ang mga binhi at abono pero walang ginagawa ang national government para kontrolin ito kaya nakakaawa ang mga magsasaka. Sila ang tinaguriang nagpapakain sa atin pero karamihan sa kanila parang isang kahig isang tuka.

Walang tulong ang ­gobyerno para mapalaki ang kanilang produksyon at hindi masira ang kanilang mga ani kapag panahon ng kalamidad at kapag nag-ani naman ay binabarat ng rice ­traders ang kanilang palay lalo na’t ibinebenta nila ito na hindi pa nabibilad dahil wala namang naitatayo ang gobyerno na pasilidad para mapatuyo ang kanilang ani para maibenta sana ito ng mas mahal.

Marami na ring sakahan at ginawang subdivision at commercial center at hindi ito inaawat ng gobyerno. Marami ring mga sakahan ang pinagtatayuan ng bahay ng mga anak ng mga magsasaka dahil parami nang parami ang mga tao.

Huwag sanang dumating ang araw na aasa lang tayo sa mga imported rice para tayo makakain. Huwag naman. Sana magising na ang gobyerno!

Read More

IWASAN ANG BANGAYAN PARA SA ATING MGA KABABAYAN

0

MARAMING nagparating ng kanilang pagkadismaya sa PUNA sa nangyaring pambubulyaw ni Presidential Spokesperson Harry Roque sa ilang mga doktor na nag-viral sa social media.

Hindi nagustuhan ni Roque ang rekomendasyon ng mga doktor na magkaroon ng dalawang linggong hard lockdown para mapigilan ang patuloy na pagsirit ng COVID-19.

Bukod sa mabilis na pagdami ng kaso ng COVID-19 dahil sa Delta variant ay pagod na rin daw ang health workers dahil halos wala na rin silang pahinga sa dami ng mga pasyente na pumapasok sa mga ospital.

Halos punuan na ang mga ospital sa Metro Manila at ilang mga lalawigan dahil dagsa ang mga pasyente na may COVID-19 kaya naisipan nilang irekomenda ang hard lockdown.

Ang tinutukoy po ng PUNA ang pambubulyaw ni Roque kay Dr. Maricar Limpin, presidente ng Philippine College of Physicians, dahil sa rekomendasyon nila na dapat magkaroon ng hard lockdown.

Nangyari daw ang pangbubulyaw ni Roque kay Limpin sa meeting ng Inter-Agency Task Force (IATF) kamakailan. Sinasabi ni Roque na hindi na maaaring magkaroon ng hard lockdown dahil marami nang nagugutom sa mga pamilyang Pinoy.

Ang mahigpit na quarantine protocol o lockdown ang ipinatutupad ng gobyerno kaya marami sa mamamayan ang hindi na nakakapagtrabaho at nawalan ng kanilang hanapbuhay.

Bagama’t nakapagsalita ng hindi maganda si Roque sa mga doktor ay humingi naman siya ng tawad dahil tao lang daw siya na nagkakamali.

Pero, hindi kuntento ang ilan sa mga doktor kabilang na si Dr. Leni Jara, ng Shape Up to Defeat #COVID-19 co-convenor, kaya sinopla niya si Roque.

Narito ang sinabi ni Dr. Jara, “Tumigil ka. Sumusobra ka na. Binastos mo na ang mga nagtatrabaho at ang mga nagliligtas ng mga pasyente. Binastos mo! You should apologize to them”.

Sinabayan pa ng panawagan ng iba pang health workers na magbitiw na lang si Roque sa kanyang pwesto. Sabi nga nila, sila ang nakaharap sa mga ­pasyente kaya sila ang nakararamdam ng hirap at nalalagay sa panganib ang kanilang buhay.

Sa katunayan marami na sa kanila ang nagbuwis ng buhay simula nang dumapo ang ­COVID-19 sa bansa, dalawang taon na ang nakalilipas. Kaya masakit sa health workers na nabubulyawan pa sila ng mga opisyal ng gobyerno.

Kung hindi magkakasundo ang health workers at ilang opisyal ng gobyerno, saan pupulutin ang mga Pinoy? Sa panahon ng ganitong pandemya ay hindi kailangang magpataasan ng ihi, dapat maging kalmado tayo para lahat ng ating mga desisyon ay maging maayos at tama.

Walang mabuting idudulot ang pagbabangayan, mas ma­ganda kung pag-usapan nang maayos ang mga patakaran at mas paborable sa nakararaming Pinoy ang dapat ipatupad.

‘Wag tayong mag-isip na mas mataas ang ating posisyon sa ­ating mga kausap, ang pinaka­mahalaga mas maraming utak, mas magandang patakaran ang nabubuo.

Buhay po ang nakataya sa ating mga kababayan, kaunting mali n’yo lang ay maraming buhay ang malalagas sa atin. Mas makabubuti na magkasundo kayo kaysa magbangayan, maaalpasan din natin ang krisis na ito.

Iwasan po natin na idaan sa init ng ulo ang pakikipag-usap sa ating kapwa. Ang pikon ay talo.

Suhestiyon ng PUNA sa mga opisyal ng gobyerno at sa mga ordinaryong mamamayan na bago tayo magsimula sa ating mga gawain sa araw-araw ay magdasal po tayo sa Panginoon na matapos na ang pandemyang ito.

Makatutulong din po ang pagdarasal sa pagpapakalma ng ating isipin.

oOo

Para sa suhestiyon at reak-syon, mag-email sa joel2amo-ngo@yahoo.com.

Read More