Sa gitna ng pandemya 2.3M KABATAAN TIGIL ESKWELA

0

MAHIGIT dalawang milyong kabataan ang Out of School Youth (OSY) dahil hindi nakapag-enroll ngayong School Year (SY) 2021-2022.

Ito ang lumabas sa pagdinig sa budget ng Department of Education (DepEd) sa Kamara na sinabayan ng kilos protesta ng mga militanteng grupo sa harap ng Batasan Pambansa kahapon.

Sa deliberasyon sa P773.6 billion pondo ng DepEd, sinabi ni Secretary Leonor Briones na kahapon ng umaga (Setyembre 14) ay umabot sa 26.23 million na ang nakapag-enroll ngayong school year.

Gayunpaman, sinabi ng mga mambabatas sa Kamara na kulang pa rin ito ng 2.31 million dahil umaabot sa 28.54 ang bilang ng mga kabataan na dapat ay nag-aaral ngayon.

Aminado rito si Briones dahil umabot umano sa 70% sa mga estudyante sa private schools ang hindi nakapag-enroll ngayong taon subalit umaasa ito na mababawasan ang OSY dahil hanggang sa katapusan ng buwan pa aniya tatanggap ng enrollees sa mga pampublikong paaralan.

Bukod dito, pinalalakas umano ng mga ito ang alternative learning system (ALS) program para makahabol ang ibang estudyante.

Lugi sa distance learning

Lumabas din sa naturang deliberasyon na halos walang natutunan ang mga estudyante sa distance learning na siyang sistemang ginagamit ngayon habang nasa gitna ng pandemya ang bansa.

Ayon sa isang mambabatas, sa isang pag-aaral ay nakita na sa 10 buwan na distance learning system, katumbas lang ito ng 3 buwan na natutunan ng mga estudyante sa face-to-face classes.

Indikasyon na luging-lugi umano ang mga estudyante kaya iginiit ng mga mambabatas na ibalik na ang face-to-face ang classes lalo na sa mga lugar na hindi malala ang COVID-19 cases.

Gayunpaman, sinabi ni Briones na kailangan itong desisyunan ni Pangulong Rodrigo Duterte. Bukod dito, ayaw umano nilang isugal ang kalusugan ng mga guro at mga estudyante lalo na’t nananatiling banta ang Delta variant na itinuturong dahilan ng pagdami ng COVID-19 cases. (BERNARD TAGUINOD)

Read More

P12-B kontrata nakopo ng Pharmally

0

Kaugnay nito, nagtataka si Senador Panfilo “Ping” Lacson kung paano nakuha ng Pharmally Pharmaceutical Corporation ang P12 bilyong halaga ng kontrata sa Procurement Service ng Department of Budget and Management (DBM) na ipinambili ng overpriced medical supplies para sa Department of Health (DOH).

Sa kanyang pagtatanong sa pagpapatuloy ng imbestigasyon ng Senado hinggil sa overpriced umanong medical supplies na nakita sa audit report ng Commission on Audit (COA), sinabi ni Lacson na lubhang nakapagtataka kung paano nakakuha ng P12 bilyon kontrata ang Pharmally na may P600,000 na puhunan.

“Paano nangyaring ang Pharmally Pharmaceutical Corp. na may kapital na lagpas lang ng bahagya sa P600,000, ay nakopo ang halos P12 bilyong kontrata sa pamahalaan para sa medical supplies sa pagtugon sa pandemya ng COVID-19?,” ayon kay Lacson.

Ayon kay Lacson, bahagi ang nabanggit na halaga ng P42 bilyon na inilipat ng DOH sa PS-DBM upang ipambili ng kagamitan sa pagtugon sa COVID-19.

Dahil dito, inatasan ng mambabatas si Pharmally chairman Huang Tzu Yen at director na si Linconn Ong na isumite sa komite ang official records na nagsasaad ng mga kontratang nakuha ng kumpanya pati na rin ang mga kaakibat na halaga.

“Just make sure you base your figures on official records,” paalala ni Lacson, matapos isiwalat ni Ong na batay sa kanilang “records” ay nakakuha ang Pharmally ng P11 bilyon.

Batay sa datos mula sa Government Procurement Policy Board, binanggit ni Lacson na ang Pharmally ay napagkalooban ng tinatayang pitong kontrata na naghahahalaga ng P8,625,496,016.

“If we add the computations of Senators Franklin Drilon and Richard Gordon, it could reach P12 billion,” dagdag ng mambabatas.

Una rito ay isiniwalat ni Lacson na batay sa mga inisyal na impormasyon na kanyang nakuha, nasa 50,000 face masks lamang ang isu-suplay ng Sitaldas company at 100 milyon piraso mula sa EMS, bagama’t 25 milyong piraso lamang ang natanggap.

Malaking bahagi ng kontrata ng Pharmally ay nagkakahalaga ng P3.82 bilyon para sa dalawang milyong set ng personal protective equipment (PPE) na binili ng kumpanya sa halagang P1,150 kada set at ibinenta sa P1,910 bawat set na may patong na P760/set o tinatayang P1.5 bilyon ang pinakamababang tubo sa kabuuan.

Dismayado rin ang senador sa pagpabor ng pamahalaan sa mga supplier ng imported na kagamitan gayung mayroon namang mga lokal na negosyanteng kayang matugunan ang mga pangangailangan para sa pagharap sa pandemya.

Duterte walang paki

Samantala, wala umanong pakialam si Pangulong Duterte kung banatan man ng Senado ang Pharmally.

Pilit kasing hinahanap ng mga senador ang ugnayan nina dating economic adviser to the president Michael Yang at Pharmally Pharmaceuticals Corp. na nakasungkit ng P8.6 bilyong kontrata kabilang na ang iba pang mga may kinalaman sa suplay ng sinasabing overpriced anti-COVID masks at face shields noong nakaraang taon.

Sa kanyang Talk to the People ngayong Martes ay sinabi ng Chief Executive na ang pandemic deals ng pamahalaan ay ginawa alinsunod sa itinatadhana ng batas at maging ng pagpe-presyo.

“Para sa akin, tapos na kami. Iyang Pharmally ninyo, pati droga, bahala kayo, wala akong pakialam n’yang Pharmally… You can crumple Pharmally, wala kaming pakialam d’yan,” ani Pangulong Duterte.

“Ang pakialam namin, nag-order kami, dumating, tama ‘yong order, ta’s ang presyo negotiated,” dagdag na pahayag nito.

Sa kabilang dako, kumbinsido naman ang pangulo na habambuhay mawawala ang kredibilidad ni Gordon dahil sa pakikinig sa sinibak na si policeman Eduardo Acierto, na nag-ugnay kay Yang sa narcotics trade. (ESTONG REYES/CHRISTIAN DALE)

Read More

Solon sa transaksyon ng Pharmally sa PS-DBM SHORTCUT SA KORAPSYON

0

INILAHAD ni Senador Risa Hontiveros na kulang-kulang ang dokumentasyon ng mga transaksyon ng kumpanyang Pharmally, matapos aminin ng incorporator nito na si Krizle Mago na wala pala silang pruweba ng delivery order.

Ngunit ayon kay Mago, inisyuhan ito ng delivery receipt.

“Bakit may shortcut ang Pharmally? Mukhang shortcut to corruption itong transkasyon ng Pharmally at PS-DBM. Walang order, pero may resibo? Under the table ba ang usapan?Pharmally’s incorporators seem to be naive entrepreneurs, intent on profiteering and making a quick buck, and PS-DBM was a willing enabler,” sabi ni Hontiveros.

Sa pagdinig ng Senate Blue Ribbon Committee noong Lunes, tinanong ni Hontiveros si Mago kung hawak ng Pharmally ang apat na dokumento upang makumpleto ang procurement: delivery order, delivery receipt, inspection and acceptance report ng delivery, at statement of account ng delivery. Ayon kay Mago, wala silang delivery order, ngunit meron daw ng iba pa.

“Sa apat na dokumentong pinakakailangan, delivery order pa talaga ang wala. Iyan ang pinaka-unang papel na magpapatunay na maayos ang dinaanang proseso para sa pagbili ng health supplies. First step palang, mali na agad. Inamin din ng kawani ng PS-DBM na pinilit sila ng management na pekehin ang mga inspection reports na kailangan sa paglabas ng mga tseke. It only speaks of PS-DBM’s gross negligence or complicity,” sabi ni Hontiveros.

“Ang Pharmally na-fast track ang transaksyon pero pagdating sa Special Risk Allowance ng ating healthcare workers, pahirapan makakuha.

These lapses in checks and balances may have also contributed to many of our HCWs contracting COVID-19 because of substandard PPEs,” sabi ni Hontiveros.

Idinagdag ng senadora na tila nakakuha ng kasunduan ang Pharmally sa pamamagitan lamang ng mga referral ng dating presidential economic adviser na si Michael Yang.

Ayon sa senadora, napakarami sanang tanong ng komite tungkol sa papel ni Yang sa mga transaksyong ito, ngunit hindi humarap si Yang sa pagdinig sa Senado dahil sa altapresyon.

“Pinahirapan ng PS-DBM ang local suppliers samantalang laway lang ang puhunan ng mga Chinese suppliers at ni Michael Yang. He should appear in our next hearing. His testimony is crucial to our hope to piece together the big puzzle that is the relationship between Pharmally and PS-DBM. Similarly, his colleague, Rose Nono Lin, should be present.

Na-subpoena na siya. She has no excuse to skip an important national investigation,” sabi ni Hontiveros.

“After every hearing, I do sense that we are getting closer to the truth. Wala nang mapagtataguan ang mga kamalian ng Pharmally. At hindi hihinto ang Senado hangga’t masiguradong lumabas ang totoo,” pagtatapos ni Hontiveros.

Read More

OFW SA KUWAIT HUMIHINGI NG TULONG SA EMBAHADA

0

DUMULOG sa AKOOFW ang kapamilya ng isa sa ating kabayani na nasa bansang Kuwait upang humingi ng tulong para makauwi sa Pilipinas.

Si Mary Jane Gomez ay nakarating sa Kuwait noong May 8, 2007 sa pamamagitan ng SAM Seven Manpower Services.

Ayon sa sumbong na ipinarating ni Mary Jane, tatlong buwan na siyang hindi binabayaran ng kanyang sahod ng kanyang amo kung kaya hindi man lang niya mapadalhan ng pera ang kanyang pamilya.

Bukod sa problema sa suporta sa kanyang pamilya ay isa rin sa nagpapabigat ng kanyang kalooban ay wala na rin siyang pambayad sa inuupahan niyang tirahan kung kaya labis na siyang nag-aalala na siya ay papaalisin na ng kanyang kasera at malamang na wala na siyang matu­tulugan.

Sumbong din ni Mary Jane, wala na rin siyang pambili ng kanyang pang-araw-araw na pagkain kaya sobrang pagtitiis ng gutom ang kanyang dinaranas. Ayon pa nga kay Mary Jane, “Imbes na ako ang magpadala sa pamilya ko sa Pilipinas, sila na ang nagpapadala sa akin dito sa abroad para makakain lang”.

Ang problema ni Mary Jane ay magmula nang siya ay mawalan ng trabaho ng dahil sa pandemya at katunayan ay wala na rin siyang mapasukang trabaho dahil ang kanyang qualification ay para sa mga restaurant lamang na lubhang naapektuhan dulot ng pandemya.

Maraming beses na rin siyang nag-apply sa iba’t ibang kumpanya ngunit ang lahat ng kanyang pagsisikap ay nawalan ng kabuluhan dahil maraming kumpanya ang nagsara.

Dahil sa kanyang ­pinagdaraanan at paghihirap sa bansang Kuwait kung kaya siya ay nakiki­usap na matulungan na lamang siyang makauwi sa Pilipinas upang maka­sama ang kanyang pamilya.

Ang pakiusap na ito ni Mary Jane ay akin agad na ipinarating sa ating OWWA Overseas Operations Director Connie Marquez at gayundin sa ating masipag na welfare Officer na si Genevieve “Jingle” Aguilar-Ardiente upang pansamantala ay matulungan si Mary Jane sa kanyang pang-araw-araw na pangangailangan lalo sa kanyang pagkain.

Gayundin ay akin ding pinakiusap na maisama na sa susunod na repatriation program ng ­ating embahada o kaya ng OWWA si Mary Jane upang kanyang makapiling na ang kanyang pamilya.

***

Kung mayroon kayong nais idulog o ipaabot sa inyong abang lingkod, maaari kayong sumulat sa akin sa email address saksi.ngayon@gmail.com o drchieumandap@yahoo.com.

Read More

QUEZONIAN MAY PANAWAGAN KAY GOV. SUAREZ AT SA DOH

0

NANANAWAGAN sa ama ng lalawigan at mga opisyal ng Department of Health ang mga Quezonian na gumawa ng agarang aksyon sa tila pagpapabaya ng Lucena City, Quezon Medical Center, isang public hospital, sa mga bangkay ng mga tinamaan ng COVID-19 na naka­tiwangwang lang sa pasilyo ng nabanggit na pagamutan.

Ayon sa mga ­Quezonian, bagama’t naka-body bag ang mga katawan ng mga nasawi ay hindi anila kaaya-aya ang simoy ng hangin sa nasabing pasilyo dahil naaagnas na ang mga labi.

Ipinagtataka pa ng mga nagrereklamo o saksi, bakit tila hindi ­inaalintana ng pamunuan ng nasabing hospital at ng tanggapan ng ­gobernador ang nasabing sitwasyon gayung katabi ng mga nasawi sa COVID-19 ang mga kwarto na kasalukuyang ginagamit bilang silid para sa CT Scan, 2D Echo, at blood bank!

At sa ikalawang palapag naman, kung saan tanaw na tanaw ang mga labi ng mga biktima, umabot na ang hindi kaaya-ayang amoy ng mga patay sa stay-in quarters ng mga nurses na naka-duty, at mga silid para sa mga ­nag­popositibo at ­nagpapagaling sa ­COVID-19.

At sa third floor naman ay matatagpuan ang mga opisina tulad ng Integrated Provincial Health Office (IPHO), Department of Health (DOH), at ilan pang tanggapan kung saan tanaw pa rin ang dugyot na sitwasyon sa ibaba ng gusali,

Sa inyo Gov. Danilo Suarez at sa pamunuan ng Quezon Medical Center!! Kailangan pa bang ipaalaala o ­ipangalandakan sa inyo ang DILG-DOH Joint Memorandum Circular No. 1 Series of 2020, kung saan nakasaad na hindi maaaring patagalin ng higit labing-dalawang oras ang labi ng isang taong pumanaw sa sakit na COVID-19 bago isagawa ang pagsunog o pag-cremate rito dahil sa lubos itong nakapanghahawa? At kung walang kamag-anak na kukuha sa mga labi, inaatasan ang mga lokal na pamahalaan na magsagawa ng agarang pagproseso ng libing o cremation sa mga nasawi!

Nagtataka rin ang mga nakasaksi kung bakit wala pa ring kongkretong pagkilos dito ang mga kinauukulang opisina gayung nagpa­tawag naman daw ng pagpupulong si Governor Danilo Suarez hinggil sa ­nabanggit na sitwasyon sa Quezon Medical Center.

Subalit tila anila walang alam ang ­gobernador sa kung anong susunod na hakbang ang kanyang tatahakin para solusyunan ang lumalalang sitwasyon.

Samantala, batay naman sa pinakabagong report ng lalawigan ng Quezon nitong ika-12 ng Setyembre, nakapagtala ito ng panibagong 153 COVID cases:

Anim (6) sa Catanauan, Dolores – 1, Gumaca – 20, Patnanungan – 5, Polillo – 3, Sariaya – 12, Tagkawayan – 6, Burdeos – 7, Calauag – 7, Candelaria – 10, Dolores – 2, Gen. Nakar – 4, Infanta – 11, Lucena – 30, Pagbilao – 11, Real – 14, at San Antonio – 4.

Sa kabuuang tala ng mga tinamaan ng COVID-19 sa lalawigan ng Quezon, umaabot sa kabuuang 22,262 ang kumpirmadong kaso, habang 18,720 ang gumaling sa mga tinamaan ng COVID-19 at 1,083 naman ang nasawi. Mayroon namang 2,459 na aktibong kaso na posible pang tumaas.

Read More

KANYA-KANYANG DAHILAN

0

HINDI na bago ang naging palusot sa hindi pagdalo sa pagpapatuloy ng pagdinig ng Senado kaugnay ng maanomalyang transaksyong kumakaladkad sa pangalan ni ­dating Presidential Economic Adviser Michael Yang at sa corporate executives sa likod ng ­kumpanyang pinaniniwalaang nagkamal nang husto sa kontratang iginawad ng gobyerno.

Katwiran ng abogado ni Yang – altapresyon. Alibi naman ng Pharmally Pharmaceutical Company na kinakatawan ng direktor nitong si Lincoln Ong, may COVID siya.

Sa puntong ito, walang nagawa ang Senado kaya naman ipinagpaliban muli ang pagdinig ng Blue Ribbon Committee kaugnay ng sumambulat na bulilyaso.

Bagama’t nilinaw ng Senado na mananatili ang mandamyento de aresto laban sa dalawa bunsod ng hindi nila pagsipot sa paanyaya ng Mataas na Kapulungan, asahan na ang mas exciting na eksena sa paglutang nila habang sakay naman sa walang kupas na wheelchair na ginamit ng iba pang mga opisyal na iginisa sa Senado sa mga nakalipas na panahon.

Ang siste, ang estilong bulok tila may bisa pa rin. Kasi naman, hindi lang minsan nilang inindyan ang Kongreso.

Bakit nga naman hindi sila iiwas gayong mismong ang big boss ng Pharmally ay aminadong walang pondo ang kumpanyang itinayo at ginamit sa panggogoyo.

Pag-amin pa ni Huang Tzu Yen na presidente ng kumpanyang bagito, wala silang pondo nang igawad sa kanila ng noo’y Budget Undersecretary Christopher Lloyd Lao ang kontratang nagkakahalaga ng tumataginting na P8.5 bilyon para sa medical supplies na dapat sana’y para sa medical frontliners na direktang sumasagupa sa nakamamatay na sakit na gawa rin ng mga Tsino.

Ang siste, overpriced na nga, dispalinghado pa.

Kaya naman hangad ng Senado, pigain sina Yang, Huang at Lao sa pag-asang kakanta sa tamang tono. At para tiyaking ‘di sila makalalayo, bundol pa ng isang mambabatas, isang Hold Departure Order laban sa mga sangkot sa kontrobersya.

Pansamantala, marapat sigurong ikonsidera ang suhestiyon ng isang masugid na mambabasa ng aming peryodiko. Aniya, dalhin sina Yang at Huang sa isang isolation facility kundi man sa pagamutang publiko kasama ng iba pang positibo. Dangan naman kasi ang palusot nila, may sakit sila.

Sabi nga nila – Ibigay ang hilig!

Read More

Regional PNP chief nagbubulag-bulagan? ILEGAL NA SUGAL SA CALABARZON TALAMAK ULIT

0

INIREREKLAMO ng ilang konsernadong grupo ang panunumbalik umano ng ilegal na sugal sa mga lalawigang sakop ng Cavite, Laguna, Rizal, Batangas at Quezon o Calabarzon.

Partikular na tinukoy ng mga nagrereklamo ang Small Town Lottery ( STL) con jueteng na ginagamit umano bilang prente sa pagbebenta ng droga gaya ng shabu, hindi lamang sa iba’t ibang mga siyudad at bayan sa Batangas kundi maging sa kabuuan ng rehiyon.

Kasabay nito, kinalampag nila ang tanggapan ni PRO Calabarzon Regional Director, PBGEN Eliseo DC Cruz para agad tumugon sa naturang ilegalidad sa kanyang nasasakupan.

Base sa impormasyong nakarating sa SAKSI Ngayon, kabilang sa mga iligalista ang drug/gambling operator sa Tanauan City na sina alias Ms Jane na kilala rin sa bansag na alias Nini ng Brgy. Boot, alias Ms. Dona ng Brgy. Pantay na Bata at Brgy. Pantay na Matanda, at Ms. Lilian ng Brgy. Sambat, pawang sa Tanauan City.

Bukod dito, namamayagpag din umano sina alias Tano ng Brgy. Trapiche, alias Rodel ng Brgy. Sambat, alias Biskutso ng Brgy. 7, alias Mayor Benir, Kon Angel, Ablao at Melchor ng Brgy. Darasa, Kap. Mario ng Brgy. Pantay na Bata, Jr. Biscocho, Lito ng Putuhan, ng Brgy. 7 at Konsehal Perez at alias Kon Burgos ng Poblacion.

Hindi rin paliligtasin ng heneral ang dati ay mga untouchable na drug pusher/ gambling maintainer ng Brgy. Bagbag na si alias Ocampo, Emil, Ramil, Aldrin, Terio, Angke at Lawin ng Brgy. Pantay na Bata at Pantay na Matanda, Rowel, Berania ng Brgy. Trapiche, Engke, Cancio, Dama at Dexter ng Brgy.Ulango, pawang sa nasabi ring lungsod.

Bukod dito, pinaaaksyunan din kay Cruz ang Tisoy-Idol, Flores gun for hire and kidnap group na hindi umano nagawang tibagin ng mga naunang opisyales sa PRO Calabarzon.

Gayundin ang mga kuta nina alias Kap Tisoy at alias Kap Idol na kapwa promotor ng drug operation at jueteng sa bayan ng Padre Garcia na nasa ilalim ng liderato ni Mayora Celsa Braga-Rivera.

Nagpapatakbo rin umano ng burikian o paihian ng produktong petrolyo sa Brgy. Bawi at Brgy. San Felipe kasosyo sina alias RR at alias Roy sila alias Kap Tisoy at alias Kap Idol. Sila rin ang nag-ooperate ng saklang patay sa nasabing bayan.

Pagdating naman sa Lipa City ay hindi rin umano natitinag ang drug/gambling maintainer dito na sina alias Ka Carling at ang engkargado nitong sina alias Maliwanag at Vie ng Brgy. Bulacnin, Kap Randy, Brgy. Sulok, Ex-Kap Fonti-Brgy. Granja at Poblacion, Kap Gonzales- Brgy. San Benito, alias Kap Boyet ng San Lucas, Kap Lacorte- Brgy. Sto Toribio at Saint Michael; Kap August- Brgy. 8. Poblacion; alias Kap Sara ng Sampaguita, at alias Ruben Sabedra- Brgy. Balintawak.

Sina alias Lorenz naman ang kumikilos sa Brgy. Poblacion 4 at Bulaclacan; Neneng Dista- Brgy Uno; Vilma Tomboy at Topher Taba ng Calle Pogi, Brgy 3, Amapola Subdivision, C.M Recto Ave., at bus stop; Liza at Linda-sa Brgy. Balintawak at Poblacion; Hadjie at Aiza- Brgy San Jose o San Jose Patay, Ex-pulis Yema- Brgy. Pangao.

Sina alias Kap Wanita at Kap. Fernan, ang operator ng STL bookies/ jueteng at financier ng kalakalan ng droga sa South at North District ng Lipa City.

Isang alias R. Estole naman na nakabase sa Brgy. Lodlod, ang kumokontrol sa operasyon ng saklang patay sa may kabuuang 72 barangay ng nasabi ring lungsod.

Bukod sa mga ito, dapat din umanong tutukan ng kapulisan ang mga ilegalistang sina Jun, Wally at Lito sa Sto. Tomas City, alias Willy Bokbok, operator ng kalakalan ng droga at jueteng sa munisipalidad ng Nasugbu at Lian, alias Zalding Konti at alias Bedung ng bayan ng Taysan, Alias Roceo ng Ibaan, alias Kap Dimailig ng San Juan, alias Timmy na operator ng bentahan ng droga at jueteng sa mga bayan ng Mabini, Bauan at San Pascual.

Umaasa naman ang mga nagrereklamo na tutuparin ni RD Cruz ang pangako na lilipulin ang mga kriminal na sangkot sa droga, sugal at iba pang uri ng kriminalidad sa kanyang nasasakupan. (SAKSI NGAYON NEWS TEAM)

Read More

DRUG SURRENDEREE, HULI SA BUY-BUST

0

Isang dating drug surrenderee na binigyan ng pagkakataon ng gobyerno na magbagong buhay, ang muli na namang bumalik sa pagtutulak ng ipinagbabawal na gamot at nahuli ng mga awtoridad sa buy-bust operation.

Ayon sa ulat na isinumite kay PNP-PRO5 Regional Director Jonnel C. Estomo, kumagat sa bitag ng Bicol PNP ang suspek na kinilalang si Zarrjay Esperanzate Lasap, 32, residente ng Brgy. Casini, Irosin, Sorsogon.

Nakuha sa suspek ang isang puting nakatuping papel kung saan nakasilid ang dalawang pakete ng selyadong plastik na naglalaman

ng hinihinalang shabu.

Si Lasap ay nasa kustodiya na ng Irosin MPS at nahaharap sa kasong paglabag sa Article II, Section 5 at 11 ng RA 9165 o Comprehensive

Dangerous Drug Act of 2002.

Ang PNP Bicol sa pamumuno ni P/BGen. Estomo, ay hindi titigil sa pagsasagawa ng kampanya kontra ilegal na droga hangga’t mayroong naglipanang tulak sa rehiyon. Sa mga darating na araw, mas pag-iigihan pa ng kapulisan ang operasyon nito upang tukuyin ang mga nasa likod ng pagpapalaganap ng ipinagbabawal na gamot sa Bicol. (JESSE KABEL)

Read More

ANAK NG MAYOR PATAY SA MOTORCYCLE ACCIDENT

0

QUEZON – Binawian ng buhay ang anak ng mayor ng Lucban habang isa pa ang kritikal ang kalagayan makaraang masalpok ng isang delivery van ang dalawang motorsiklong minamaneho ng mga biktima sa nasabing bayan noong Lunes ng gabi.

Kinilala ng Lucban Police ang biktimang namatay na si Guitahm Oli Salvacion Dator, 17-anyos, anak ni Lucban Mayor Celso Olivier Dator.

Kritikal naman ang 20-anyos na binata at kaibigan ng biktima na si Sydney Mykel Ramos Saliendra, empleyado ng lokal na pamahalaan ng Lucban.

Ayon sa police report, nasalpok ng Elf truck na minamaneho ni Brian Abana, 32-anyos, residente ng Candelaria, Quezon, ang magkasunod na motorsiklo na minamaneho ng dalawa sa isang intersection sa loob ng town proper dakong alas-9:50 ng gabi.

Base naman sa kuha ng CCTV, papatawid at nasa gitna ng intersection ng Rizal Avenue at Racelis Avenue ang dalawa nang matumbok ang mga ito nang mabilis na paparating na truck.

Kapwa grabeng napinsala sa ulo at katawan ang dalawa na agad isinugod sa MMG Hospital sa Lucban ngunit nalagutan ng hininga si Dator makaraan ang halos tatlong oras habang nilalapatan ng lunas.

Nananatili namang kritikal ang kalagayan at walang malay si Saliendra.

Agad naaresto ng mga pulis ang driver ng truck na sasampahan ng kaukulang kaso. (NILOU DEL CARMEN)

Read More