NUEVA ECIJA – Nadakip ng mga tauhan ni Philippine Drug Enforcement Agency chief, Director General Wilkins Villanueva, ang lider ng isang drug group sa isinagawang anti-narcotic operation ng PDEA R03 sa nasabing lalawigan.
Ayon kay Director Derrick Carreon, PDEA-PIO chief, nadakip sa dragnet operation ang 49-anyos na si Elizalde Ramos Vicente alyas Zaldy (target listed), lider ng Zaldy drug group, residente ng Brgy. Marcos Village, Biglang Sibol, Palayan City, ng nasabing lalawigan.
Si Vicente ay nasukol ng pinagsanib na puwersa ng mga operatiba ng PDEA3–Nueva Ecija Provincial Office, at local police sa Brgy. Marcos Village,
Ayon sa ulat na isinumite kay DG Villanueva, ni PDEA3 Regional Director Christian O. Frivaldo, nakumpiskahan ang suspek ng apat na sachet ng umano’y shabu.
Ayon kay Frivaldo, sinampahan nila ng kasong paglabag Section 5, Art. II ng RA 9165 ang nasabing suspek. (JESSE `KABEL)
195 
