MAGSUSUMITE sina Pangulong Rodrigo Roa Duterte at kanyang gabinete ng report o ulat kada buwan sa Kongreso kung paano nagamit ang P165.5 billion COVID-19 stimulus package.

Ang anunsyong ito ng Malakanyang ay ipinalabas isang araw matapos lagdaan ni Pangulong Duterte ang Bayanihan to Recover as One Act o Bayanihan 2, batas na sumunod sa Bayanihan to Heal as One Act, na napaso na noong Hunyo 24.

Ang Bayanihan 2 ay tinintahan ng Pangulo matapos ang 18 araw na pagkakaratipika ng Kongreso sa Bayanihan 2 noong Agosto 24.

“As the Duterte administration remains committed in the promotion and upholding of accountability and transparency, especially on public expenditure, a monthly report will be duly submitted to the Congress until December 2020,” ayon kay Presidential Communications Secretary Martin Andanar.

Ang practice ng pagsusumite ng reports sa paggamit ng Bayanihan 2 ay nagmula sa Bayanihan 1, kung saan ang Pangulo ay nagsusumite ng weekly report sa Kongreso kung paano nagamit ang dating batas na nagbigay sa chief executive ng special powers.

“With President Rodrigo Duterte’s signing of the Bayanihan to Recover as One Act or Bayanihan 2, we are well on our way to further intensify our aid and assistance not only to the healthcare sector, but also to the affected sectors of agriculture, tourism, and transportation, among others, that were impacted by the COVID-19 pandemic,” ani Sec. Andanar.

“The stimulus package plan consisting of P140 billion-worth of regular appropriations and an additional standby fund of P25.5 billion will go towards the continuance of our proactive responses and the inclusion of other sectors’ needs, especially our micros, small, and medium enterprises, as we gradually reopen our economy to bounce back and to achieve our forecasted growths for the coming months and year,” dagdag na pahayag ni Sec. Andanar.

Sa ulat, ang 140 bilyong piso ay nagmula sa general appropriations habang ang 25.5 bilyong piso ay magsisilbing standby authority na maaaring magamit sa oras na ang government revenues ay maging available.

Ang standby fund ay kinabibilangan ng 10 bilyong piso para sa COVID-19 testing at pagbili ng medication at  vaccines sa halagang 15.52 bilyong piso bilang karagdagang capital infusion sa government banks.

Ang bagong batas na magbibigay ng 50 bilyong piso ay mapupunta sa government financial institutions — Land Bank of the Philippines, Development Bank of the Philippines, Philippine Guarantee Corp., and Small Business Corp. — para magbigay ng soft loans sa mga apektadong sektor.

Ang cash subsidy na mula P5,000 hanggang P8,000 ay ibibigay rin sa low-income households sa mga lugar sa ilalim ng   granular lockdown at sa mga kamakailan lamang na nagbalik na overseas Filipino workers, at maging sa displaced workers.

Ang 13.5 bilyong piso ay mapupunta sa health-related responses, kabilang na ang pagbabayad sa P10,000 special risk allowance sa public at private medical frontliners, 3 bilyong piso para sa pagbili ng face masks, face shields at personal protective equipment (PPE) at 4.5 bilyong piso para sa pagtatayo ng temporary medical isolation at quarantine facilities.

Ang kabuuang 4 bilyong piso ay inilaan naman sa tourism industry, kung saan ang 1 bilyong piso ay para sa Tourism Road Infrastructure Programs, at 3 bilyong piso ay para sa cash-for-work programs at tulong sa displaced workers.

Ang nasabing batas ani Sec. Andanar ay naglaan na rin na rin ng  subsidies at allowances na nagkakahalaga ng P600,000 para sa mga kuwalipikadong estudyante  ng  public at private elementary, high school, at college students, at maging ang one-time cash aid na nagkakahalaga ng P300,000 sa displaced teaching at non-teaching personnel.

Tinatayang naglaan naman ng 13 bilyong piso para sa cash-for-work programs at unemployment o involuntary separation assistance para sa displaced workers; 24 bilyong piso para sa direct cash o loan interest rate subsidies para sa farm groups sa ilalim ng  Department of Agriculture programs; at 9.5 bilyong piso para sa iba’t ibang programa ng Department of Transportation (DOTr),

kabilang na ang ayuda sa displaced public utility drivers at construction ng protected bicycle lanes.

“The law also directs public utilities to implement a 30-day grace period of payment of fees falling within the enhanced community quarantine (ECQ) or modified ECQ without incurring interests, penalties and other charges,” ayon kay Sec. Andanar.

“Further, the requirement for certain permits for the installation and operation of telecommunication towers shall be temporarily suspended,” dagdag na pahayag nito.

Sa kabilang dako, nagpaabot naman ng pasasalamat ang Malakanyang sa dalawang kapulungan ng Kongreso sa ipinamalas na statemanship ng mga ito, dahilan ng mabilis na pagkakapasa ng

Bayanihan to Recover As One Act.

“We thank the leaders of both Houses of Congress for their display of statesmanship by their swift passage of this important piece of legislation,”ayon kay  Presidential Spokesperson Harry Roque.
Kasunod na rin ito ng paglagda ni Pangulong Rodrigo Duterte sa Bayanihan II, upang ganap na itong maisabatas.

Ayon kay Secretary Roque, ikinu-konsidera ng pamahalaan ang Bayanihan II bilang mahalagang bahagi sa effort ng gobyerno na dahan-dahang buksan ang ekonomiya ng bansa sa gitna ng COVID pandemic.

Sinabi ng kalihim na sa pamamagitan nito, masusuportahan ng pamahalaan ang mga businesses, at mabubuhay nito ang pag-unlad ng ekonomiya, habang pinagtitibay rin ang kakayahan ng bansa na labanan ang COVID-19 sa pamamagitan ng pagpapalakas sa health care capacity at pandemic response ng Pilipinas.

“We consider the Bayanihan II crucial in our efforts to gradually re-open the economy, support businesses and revitalize growth as we make our country resilient to COVID-19 by strengthening our health sector, particularly our healthcare capacity, and pandemic response,” ani Roque.

Samantala, para naman kay Vice President Leni Robredo, ang P165-billion fund sa  Bayanihan 2 ay hindi sapat para tugunan ang problema na dala ng coronavirus disease 2019 (COVID-19) pandemic.

“Hindi sapat ang mga probisyong nakatala at perang inilaan sa Bayanihan 2. Government must spend more, spend efficiently, and spend quickly, with the utmost sense of urgency, as if our economic survival depends on it—because it does. And yet, heto tayo, nakasandal pa rin sa isang pre-COVID budget,” anito. (CHRISTIAN DALE)