WELCOME kay House Majority Leader at Leyte Representative Martin G. Romualdez ang bagong itinalaga ni Pangulong Rodrigo Roa Duterte para sa pinakamataas na puwesto sa pambansang kapulisan na si Lt. Gen. Guillermo Eleazar.
Ayon kay Romualdez, chairman ng House committee on rules, hindi lang siya kundi majority ng mga mambabatas ay naniniwalang best choice ang paghirang ni Pangulong Duterte kay Gen. Eleazar sa nasabing posisyon.
“Our new top cop is a man of action in resolving cases with swiftness. With his proven competence, I believe he will always uphold justice.
His dedication, unwavering hard work and perseverance will further restore discipline and respect to the PNP as an institution,” ayon sa House majority leader.
Kumpiyansa si Romualdez, isa ring abogado mula sa University of the Philippines at kasalukuyang pangulo ng Philippine Constitution Association (Philconsa) sa kakayahan ni Eleazar sa pagpapatupad ng batas, maging sa peace and order at pagpapasunod sa kapulisan sa buong bansa.
Naniniwala rin ang majority leader na mas paiigtingin pa ng bagong talagang PNP chief ang mga kampanya laban sa kriminalidad partikular ang war on drugs, terrorist at paglilinis sa mga natitirang scalawag sa hanay ng kapulisan at iba pang may kaugnayan sa pagsasaayos ng katahimikan.
“I know that Gen. Eleazar will always continue to affirm the PNP’s motto to ‘serve and protect’ and be a good example and advocate of the rule of law,” ani Romualdez, pangulo ng Lakas-Christian Muslim Democrats (CMD). (CESAR BARQUILLA)
156 
