INATASAN kahapon ng Supreme Court ang Senate at House of Representatives maging ang House Secretary General na magkomento sa loob ng sampung araw para sagutin ang petisyon na inihain ni Vice President Sara Duterte-Carpio kaugnay ng 4th impeachment complaint.

Kabilang sa respondents sina House Speaker Martin Romualdez, House secretary general Reginald Velasco at Senate President Francis Escudero.

Nauna rito, sa inihaing petition for certiorari and prohibition ni VP Duterte noong February 18, nais nitong ipawalang-saysay ang impeachment dahil lumabag aniya ito sa patakarang nagbabawal ng sunod-sunod na impeachment sa loob ng isang taon. (JULIET PACOT)