SINIBAK sa pwesto sina Iloilo City Police Office Director P/Col. Kim Legada at Station 2 Commander PCapt. Jeffrey Delgado dahil sa lapses sa imbestigasyon sa pagkamatay ni Vice Mayor Aimee Lamasan.

Ayon kay PRO-6 Director Police Brig. Gen. Josefino Ligan, epektibo nitong Huwebes, Enero 8, ang pagkaka-relieve sa dalawang opisyal at naipaalam na ito kay Iloilo City Mayor Raisa Treñas.

Ugat ng desisyon ang matinding pagkaantala ng SOCO, na umabot ng 36 oras bago makarating sa crime scene na lantad na paglabag sa standard procedure ng PNP.

Itinalaga bilang Officer-in-Charge ng ICPO si Deputy Regional Director for Operations P/Col. Roland Bulalacao.

(TOTO NABAJA)