BIANCA BUSTAMANTE PAPAANDAR SA FIA GIRLS ON TRACK SHOOT-OUT

KABILANG ang Pilipinang si Bianca Bustamante sa mga napiling magpartisipa sa FIA Girls on Track – Rising Stars Youth Scholarship Shoot-Out 2021.
Mula sa 70 aplikasyon sa buong mundo, isa ang 16-anyos na Pinay sa 14 lang na napasama sa shoot-out.

Ito ang masayang ibinalita ng dating Kart racer at estudyante ng Assumption College sa kanyang pagbisita sa tuwing Martes na Philippine Sportswriters Association (PSA) fourm.

“It definitely means a lot to me. Just being chosen to be part of the shoot-out is already an achievement for me,” wika ng unang Asian driver na nakasama sa programa ng Federation International de Automobile (FIA).

Si Bustamante ay 4-time winner sa China Grand Prix Kart Scholarship (2018-2019), 3-time Macau International Kart GP Champion (2014, 2018, 2019), 2-time Junior Asian Karting Open Championship – Overall Champion (2018, 2019) 3-time Philippines Driver of the Year – Karting (2018, 2019, 2020) at Philippines National Junior Karter of the Year (2018).

Ang youth scholarship ay inilunsad ng FIA Women in Motorsport Commission noong 2020 para sa mga kabataang babae sa motorsport, at itinakda ng F1 governing body FIA sa tulong ng Scuderia Ferrari’s world-renowned Ferrari Driver Academy (FDA) na kinabibilangan din ng kilalang car racers na sina Charles Leclerc ng Ferrari, Red Bull Sergio Perez at Haas F1 rookie Mick Schumacher.

Ang shoot-out ay unang pagsubok lang sa scholars, na dadaan sa serye ng tests sa kilalang Paul Ricard Circuit sa Oktubre 21 hanggang 23. Ang best 8 performing drivers ang tutuloy sa FIA training camps.

Pagkatapos ay magtutungo sila sa Fiorano, Italy para sa final tests sa Formula 4 cars. At ang magwawagi ang pagkakalooban ng FDA full scholarships. (ANN ENCARNACION)

289