Author: admin 3

ISANG tauhan ng Philippine Air Force (PAF) ang dinala sa pagamutan nitong Lunes matapos na matuklaw ng isang malaking sawa na gumagala sa Villamor Air Base, sa Pasay City ilang oras bago ang flight ni Pangulong Ferdinand Marcos Jr. patungong India para sa gaganaping state visit. Nakita ang ahas sa madamong bahagi ng air base kaya agad na hinuli ito ng isang sundalo ngunit lumaban ang sawa at nasakmal ito subalit nagawa ring maisilid sa sako ng sumaklolong mga sundalo. Agad namang nilinaw ni Philippine Air Force chief Arthur Cordura…

KALABOSO ang apat na Chinese nationals makaraang masakote ng mga tauhan ng PNP-Anti Kidnapping Group dahil sa pagdukot sa kapwa nila Chinese. Ayon kay PNP chief, PGen. Nicolas Torre III, tumawag sa 911 ang kaibigan ng biktima at sa isinagawang operasyon noong Agosto 2 ay naaresto ang mga suspek. Sinabi ni Torre, modus ng mga suspek ang “money changing” at kapag may nagpapalit ng pera na malaking halaga ay dudukutin nila ito. Kilalang nagpapautang at pagpapalit ng pera ang mga suspek at napag-alaman din na dating nagtatrabaho sa POGO. Makaraang…

ANIM na indibidwal ang sugatan kabilang ang isang naputulan ng kamay, makaraan ang pagsabog ng isang aircon compressor habang binabaklas ito noong Linggo ng hapon sa panulukan ng Tayuman at Dagupan Streets sa Barangay 234, Tondo, Manila. Ayon kay Police Major Philipp Ines, hepe ng Public Information Office ng Manila Police District, kinilala ang mga biktima na sina alyas “Christina” 36; “Mike”, 49; “Roman”, 51; “Ryan”, 43; “Jimboy,” 59, at isang 14-anyos na menor de edad. Batay sa ulat ni Police Major Arnold Echalar ng Sector Bravo Line Beat 3…

PINAG-AARALAN ng Philippine Ports Authority (PPA) ang panukalang itaas ang singil sa terminal fee ng mga pasahero sa Batangas Port na may ilang taon nang hindi nagagalaw. Sa pahayag ni PPA General manager Jay Santiago, humihirit sa kanilang tanggapan ang Asian Terminals Inc. (ATI) ng taas singil na mula P30 ay magiging P100. Pinag-aaralan ng opisyal kung makatwiran ba ang kahilingan ng ATI na nagsasabing nakapagbibigay naman sila ng magandang serbisyo sa mahigit 8,000 pasahero sa nasabing terminal. Ayon kay Santiago, kanilang pag-aaralang mabuti ang nasabing pagtaas ng terminal fee. Paliwanag pa ni Santiago, kanilang…